Свет
Вработен во градинка во Илиноис позитивен на мајмунски сипаници, децата изложени на ризик
Вработените и децата во дневниот центар во Илиноис се тестираат за мајмунски сипаници откако вработен бил позитивен на оваа болест, соопштија здравствените власти.
Позитивниот случај во дневен центар во Рантул, Илиноис беше трет случај во округот Шампејн, што ги натера здравствените службеници да ги прегледаат лицата во установата кои можеби биле изложени.
– Возрасен во дневен центар во областа Рантула беше позитивен на мајмунски сипаници – изјави во петокот директорот на Одделот за јавно здравје на Илиноис (IDPH), д-р Самир Вохра.
– Децата и другиот персонал сега се на скрининг и досега не се најдени дополнителни случаи – додаде тој.
За време на прес-конференцијата во петокот, администраторката за јавно здравје на округот Џули Прајд ги охрабри луѓето редовно да ги мијат рацете и им понуди вакцина на оние кои веруваат дека можеби биле изложени.
– Мајмунската сипаница не се пренесува преку воздухот, туку првенствено се шири со близок контакт „кожа на кожа“. Но, тие можат да се пренесат и со капки за време на подолг близок контакт и преку контакт со предмети кои можеби биле контаминирани, како што се крпи или постелнина, рече Прајд.
Во четвртокот, администрацијата на Бајден ја прогласи епидемијата на мајмунски сипаници за итна здравствена состојба.
– Со оглед на околностите кои се развиваат на терен, прогласувам вонредна состојба во јавното здравство поради мајмунски сипаници – напиша секретарот на Министерството за здравство, Ксавиер Бецера, во твит.
In light of evolving circumstances on the ground, I am declaring a public health emergency on #monkeypox. We are prepared to take our response to the next level in addressing this virus. We urge every American to take monkeypox seriously.
— Secretary Xavier Becerra (@SecBecerra) August 4, 2022
„Подготвени сме да го однесеме нашиот одговор на следното ниво во справувањето со овој вирус и го поттикнуваме секој Американец сериозно да ја сфати мајмунската сипаница“, додаде тој.
Подоцна истиот ден, претседателот Џо Бајден рече дека ќе ја зголеми дистрибуцијата на вакцината и ќе го прошири пристапот до тестовите за откривање на вирусот.
– Останувам посветен на нашиот одговор на мајмунските сипаници: зголемување на дистрибуцијата на вакцини, проширување на тестирањето и едукација на ризичните заедници – напиша тој на Твитер.
I remain committed to our monkeypox response: ramping-up vaccine distribution, expanding testing, and educating at-risk communities.
That's why today's public health emergency declaration on the virus is critical to confronting this outbreak with the urgency it warrants.
— President Biden (@POTUS) August 4, 2022
– Затоа денешното прогласување на вонредна состојба во јавното здравство за вирусот е клучно за справување со оваа епидемија со итноста што ја оправдува – додаде Бајден.
Мајмунска сипаница е особено ретка болест која заразила повеќе од 6.600 Американци. Може да предизвика треска, болки во телото, замор и испакнатини како мозолчиња на многу делови од телото и се шири со продолжен контакт кожа на кожа,пренесе Телеграф.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.