Свет
Германската влада одбива да го акредитира пратеникот на Гваидо како амбасадор
Иако Берлин застана на страната на САД и го призна самопрогласениот привремен претседател на Венецуела, Хуан Гваидо, сепак го држи во неизвесност Ото Гебауер, што Гваидо го избра да ја претставува Венецуела во Германија и не му даде дипломатски статус, пренесува „Спутник“.
Шпанија, наводно, ги повикала земјите членки на ЕУ да не им даваат на претставниците на Гваидо дипломатски статус или соодветни привилегии.
Иако Ото Гебауер, испратен во Германија од страна на Гваидо како негов емисар, беше примен во Берлин, германската влада не планира да го акредитира, како што пренесува „Ној оснабрикер цајтунг“ цитирајќи го одговорот на германското МНР на барањето од левичарската партија Дие Линке.
Според Министерството, германската влада првин го примила Гебауер како личен претставник на привремениот претседател Гваидо на 13 март 2019 година за да оствари разговори со него, но нагласи дека не се планираат понатамошни чекори.
Кога во Венецуела избувна политичката криза кон крајот на јануари, кога лидерот на парламентарната опозиција Гваидо, поддржан од САД, се прогласи за привремен претседател на Венецуела и го оспори реизборот на претседателот Николас Мадуро во мај минатата година, Германија го призна како преоден шеф на државата. 50-ина држави, охрабрени од САД, го сторија истото. Меѓутоа, уставно избраниот шеф на државата, Николас Мадуро, поддржан од Русија, Кина, Куба, Боливија, Турција и голем број други земји, продолжува да ја држи власта и одбива да се повлече обвинувајќи го Вашингтон дека се обидува да организира државен удар за да го инсталира Гваидо како марионетски лидер.
Ова доведе до парадоксална ситуација во Германија со двајца венецуелски емисари во Берлин, кој но не може да одржува официјални разговори со двајцата.
Дие Линке ја пофали одлуката за Гебауер. Пратеникот од германскиот Парламентарен комитет за надворешни работи, Хајке Хансел, истакна дека испраќањето нови претставници за Венецуела се заснова на признавање на самоназначениот претседател Хуан Гваидо, кој го крши меѓународното право, според заклучокот на истрагата на Бундестагот.
„Ова ја докажува апсурдноста на германската политика на Венецуела. Признавањето на Гваидо беше извршено надвор од границите на меѓународното право и ова го враќа назад“, рече таа.
Покрај овој дипломатски судир, Ото Гебауер има и дискутабилен профил за дипломат бидејќи беше вмешан во обидот за државен удар во 2002 година против претседателот Хуго Чавез, кој почина пред неколку години. Тој беше член на единицата командоси што го држеше Чавез во заложништво и беше осуден на шест години затвор за тоа.
Легитимитетот на привремениот претседател Гваидо сега се соочува со предизвик бидејќи според законот на Венецуела, неговиот максимален мандат е ограничен на 30-дневен период. Тој истече во февруари, но нови избори сè уште не се распишани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.