Свет
Германски судија го нападна Салвини за потсмевање со фотографијата на НВО активист
Судија во Германија му нареди на популистичкиот италијански министер за внатрешни работи, Матео Салвини, да отстрани фотографија од промигрантски активист на НВО или да се соочи со голема казна, пренесува „Ил џорнале“.
Фотографијата на Сорен Моје, член на екипажот на бродот на невладината организација „Мишн лајфлајн“, беше објавена на „Твитер“ од страна на Салвини минатата година откако групата го нарече Салвини „фашист“.
„Овој господин од екипажот на бродот на германската невладина организација, кој чека да натовари имигранти, ме нарекува фашист… Многу уверливо, би рекол!“, напиша Салвини.
Фотографијата е снимена од новинарот Фридхолд Улонска пред да биде објавена на веб-страницата „на „Мишн лајфлајн“, а потоа објавена на „Твитер“ од Салвини.
Судијата во случајот му нареди на Салвини да ги избрише твитот и сликата во која се наведува дека лидерот на „Лига“ го нарушил авторското право на сопственикот на сликата. Ако не ја отстрани сликата, Салвини би можел да се соочи со казна до 250.000 евра, па дури и со затворска казна до шест месеци.
„Матео Салвини користи фотографски материјал од спасувачки мисии на море, слики направени од мене, како алатка за негово поттикнување против нас“, рече Фридхолд Улонска, кој ја поднесе жалбата.
„Тој не ме праша за дозвола. Како и сите други, и Матео Салвини мора да го почитува законот. Ако не го стори тоа, како во овој случај, ние треба да го потсетиме на границите на неговите постапки со сите уставни средства“, додаде тој.
„Мишн лајфлајн“ неретко е дел од контроверзии, па претходно годинава ги повика германските граѓани да стапуваат во брак со нелегалните мигранти и баратели на азил, за да им помогнат да останат во Европа.
„Сè уште не сте во брак? Можеби би можеле да се вљубите во некој што нема право да остане тука? Може да се случи тоа, нели? Останете отворени“, напиша групата на „Твитер“.
Во 2017 година канцеларијата на обвинителството во Саксонија, исто така, објави дека НВО е под истрага за трговија со луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.