Свет
Голема побарувачка за работници во САД
Милиони Американци ги загубија своите работни места на почетокот на пандемијата на коронавирусот и поради ширењето на делта-сојот, тие не брзаат да се вратат на работа.
Во Шарлот, Северна Каролина, како и во многу делови на САД, сопствениците на барови не можат да најдат доволно работници.
Огласи за работа се наоѓаат насекаде низ градот.
„Нашиот ресторан е секогаш полн и заработуваме добро, но немаме доволно работници“, изјави менаџер на пицерија за американските гласила.
Економистот Метју Мецгар вели дека федералната парична помош е повисока од платата што некои работници ја заработиле пред пандемијата.
„И со тој висок надомест, луѓето не се подготвени да се вратат на работа и да заработат“, рече Мецгар.
Други велат дека не сакаат да се вратат на работа поради блискиот контакт што би го имале со луѓето, во време кога повеќе од 1.500 луѓе умираат од коронавирус во САД секој ден.
Друга голема пречка за враќање на работа е тоа што многумина не можат да си дозволат да ги имаат своите бебиситерки, и тоа ескалираше кога училиштата беа затворени поради коронавирусот.
Ова може делумно да се реши кога ќе се отворат училиштата, но тоа не е случај со градинките, кои немаат доволно кадар, велат жителите.
За да ги поттикне луѓето да се вратат на работа, администрацијата на Џо Бајден објавува субвенции за грижа за децата предвидени со законот за инфраструктура и социјална помош, во вредност од 3.500 милијарди долари.
На неодамнешниот саем за работа во Вирџинија многумина се распрашуваа за повисоки плати, но и за здравствено и пензиско осигурување.
Претседателот на синдикатот на аеродромот Шарлот Вилијам Волц вели дека на работниците им е потребно да се зголемат платите на најмалку 17 долари на час, од сегашниот минимум од 7,25 долари.
Како што е наведено, многу работодавачи ја зголемија цената на саатнината, додека економистите велат дека, покрај зголемувањето на платите, креативноста на работодавачите ќе биде пресудна и дека ќе мора да модифицираат некои работни места за да најдат доволно работна сила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024
Свет
(Видео) Авион двапати се одби од пистата во Лос Анџелес: „Ова е најгрубото слетување што сме го снимиле“
На аеродромот во Лос Анџелес во живо е снимено неверојатно слетување на авионот на „Луфтханза“.
Имено, за време на слетувањето, авионот еднаш, а потоа и вторпат се одби од пистата и повторно полета предизвикувајќи шокирани реакции кај коментаторите во преносот од аеродромот.
„Што? Леле, леле, леле. Мислам дека ова е најгрубото слетување што некогаш сме го снимиле“.
Кога повторно се нашол во воздухот, авионот со маневрирање успеал да слета на пистата и безбедно да го заврши летот.
The moment a Lufthansa plane performed a rejected landing, or a ‘touch-and-go’, was caught on a livestream.
🎥 Airline Videos Live via YouTube pic.twitter.com/BpYSGuwMCG— Daily Mail Online (@MailOnline) April 24, 2024
Свет
ЕУ инвестира повеќе од 65 милиони евра во развој на вештачка интелигенција
Европската комисија (ЕК) најави дека ќе инвестира повеќе од 65 милиони евра во развојот на вештачката интелигенција (АИ), вклучително и 50 милиони наменети за финансирање проекти насочени кон развој на нови начини за комбинирање на податоците.
ЕК објави повици за предлози за финансирање проекти во областа на вештачката интелигенција и квантната технологија во рамките на програмата за истражување и иновации „Хоризонт Европа“ од 2023 до 2024 година, објави АНСА.
ЕК наведува дека проектите се насочени кон подобрување на доверливоста на системите за вештачка интелигенција и обезбедување значителен увид во процесите на донесување одлуки за вештачка интелигенција.