Свет
Група за религиска слобода ќе се бори против користењето на Библијата за Вселенските сили на САД
Воената фондација за религиска слобода (МРФФ) вети дека ќе се бори против користењето на Библијата за Вселенските сили на САД и се заканува со правно дејство ако ритуалот не биде напуштен, пренесува „Спутник“.
МРФФ во изјавата рече дека примила бројни поплаки од навредени припадници на воениот и цивилниот персонал во Министерството за одбрана откако Националната катедрала во Вашингтон ја благослови, како што ја нарече, службената Библија на новоформираните Вселенски сили.
Вселенските сили се нова воена служба на САД, основана во рамките на Воените сили во декември 2019 година за обука и опремување за операции поврзани со вселената. Околу 16.000 цивилни службеници и воздухопловци од Вселенската команда на воздухопловните сили ќе бидат распоредени во новата единица оваа година.
Катедралата твитна фотографија од отец Рандолф Маршал, кој ја благослови Библијата во неделата заедно со генерал-мајорот Стивен А. Шаик, шеф на капеланите на американските воени сили, кој беше во целосна униформа.
Исто така, беше објавено дека Библијата, донирана од Библискиот музеј во Вашингтон, ќе се користи за заклетва на командантите на Вселенските сили, вклучувајќи го и генералот Рејмонд како прв началник на вселенските операции. Од соопштението не беше јасно дали офицерите ќе можат да се откажат од оваа церемонија.
Употребата на Библијата или која било друга религиска книга на воените заклетви е личен избор во САД. Сегашниот началник на Генералштабот на воздухопловните сили, генерал Дејвид Л. Голдфејн, и неговиот претходник, генералот Марк Велш, беа фотографирани со рака врз Библијата на нивните церемонии на заклетва.
Сепак, според клаузулата за слободно практикување на религијата во прирачникот за воздухопловните сили, лидерите на сите нивоа не смеат да поддржуваат или не одобруваат или да го продолжат привилегираниот третман на која било религија, вера или отсуство на религија.
МРФФ тврди дека благословот на Вселенските сили ги крши тие упатства. Групата, исто така, вети дека ќе поднесе тужба до секретарот за одбрана, Марк Еспер, и ќе им помогне на оние кои ќе поднесат свои жалби до Министерството за одбрана.
„Ако не успеат жестоките обиди на МРФФ да ги употребат сите административни лекови на Министерството за елиминирање на оваа фундаменталистичка христијанска тиранија и угнетување, МРФФ планира да го однесе овој случај во Сојузниот суд во Северна Вирџинија“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.