Свет
Двајца турски војници загинале во Либија
Турскиот претседател Реџеп Тајип Ердогано бјави дека двајца турски војници загинале во Либија, но не сподели детали за локацијата или датумот на нивната смрт, пренесува „Спутник“.
„Имаме двајца маченици таму во Либија“, кратко изјави тој.
Веста доаѓа само два дена по извештаите дека 16 турски војници биле убиени во судирите во Триполи. Ердоган потврди дека неколку војници загинале, тврдејќи дека има големи загуби и меѓу редовите на либиската национална армија(ЛНА), но не го посочи точниот број.
Анкара претходно ги распореди своите сили во Либија за да ја поддржи Владата на национален договор (ГНА) против ЛНА предводена од маршалот Калифа Хафтар во граѓанската војна меѓу двете страни.
Либија е зафатена од граѓанска војна од атентатот врз либискиот лидер Моамер Гадафи во 2011 година. Во моментот, земјата ја контролираат две главни фракции – ГНА, признаена од ОН, со седиште во Триполи и парламентот во Тобрук, штитен од страна на ЛНА.
Двете страни се впуштија во голем судир минатиот април, а Хафтар најави одлучувачка битка за Триполи подоцна во декември, повикувајќи на мобилизација против странска интервенција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.