Свет
Дебата за носење хиџаб во Турција, Ердоган предлага референдум
Турскиот претседател, Реџеп Таип Ердоган, предложи да се организира референдум за измена на Уставот за да се гарантира правото на носење хиџаб во јавните служби, училиштата и универзитетите.
„Ако сте храбри, дојдете, ќе ја ставиме темата на референдум (…) Нека одлучи народот“, рече турскиот претседател, обраќајќи му се на лидерот на најголемата опозициска партија, Кемал Киличдароглу, кој предложи закон кој ќе гарантира правото на носење хиџаб.
Дебатата за носење хиџаб се разгоре во Турција како што се приближуваат претседателските и парламентарните избори закажани за 2023 година.
Турција, земја со мнозинско муслиманско население, е уставно секуларна и носењето хиџаб долго време беше забрането во јавните служби, училиштата и универзитетите, како и на места како што се парламентот и воените канцеларии. Во 2013 година, владата на Ердоган ги укина ограничувањата за носење хиџаб.
За разлика од 1990-тите, кога темата поттикна жестока дебата, денес ниту едно политичко движење во Турција не се противи на нејзината забрана.
„Порано згрешивме во однос на носењето хиџаб (…) Сега е време да го оставиме тоа прашање настрана и повеќе да не го слушаме од устата на политичарите“, рече претседателот на најголемата опозициска сила, Републиканската Народна партија (ЦХП), на почетокот на октомври Кемал Киличдароглу.
Набљудувачите мислат дека Киличдароглу сака да им покаже на конзервативните гласачи кои најмногу гласаат за АКП на Ердоган дека не треба да се плашат од промена на власта.
На почетокот на октомври, Ердоган одговори на оваа иницијатива.
„Дали денес постои дискриминација во однос на носењето и неносењето хиџаб во јавните служби? Во училиштата? Не. (…) Успеавме во тоа“, рече денеска Ердоган.
„Наскоро ќе го испратиме амандманот на уставот во парламентот. (…) Но, ако не може да се реши во парламентот, ќе го прашаме народот“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.