Свет
(Видео) Обид за упад во грузискиот парламент, полицијата употреби солзавец и гумени куршуми
Толпа народ испровоцирана од руски пратеник ноќеска се судри со полицијата во обид да упадне во парламентот на Грузија во Тбилиси, пренесуваат светските медиуми. Демонстрантите бараат оставки од високи функионери и фрлаа шишиња и други предмети кон полицијата, која одговори со солзавец и гумени куршуми.
#Georgia: Anti-govt protest in #Tbilisi gets violent, demonstrators tried to storm parliament building https://t.co/GgkUXE7JkM pic.twitter.com/bnVOk0ct1f
— RT (@RT_com) June 20, 2019
Ситуацијата ексалира по говорот на рускиот пратеник Сергеј Гаврилов, кој се обрати од говорницата во парламентот, пренесе „Ројтерс“. Опозицијата најави дека луѓето ќе останат на улиците сè додека претседателот на собранието, Ираки Кобакидзе, и неколку високи функционери не си поднесат оставки. Според опозицијата, тие се виновни за моментната ситуација во земјата зашто дозволиле рускиот пратеник да се обрати на говорницата.
UPDATE: Ruptly producer injured by rubber bullet during #Tbilisi protest pic.twitter.com/pvNnGDtNh7
— Ruptly (@Ruptly) June 20, 2019
Двајца демонстранти изјавиле дека се повредени од гумени куршуми. Руското влијание во Грузија останува политички чувствително прашање во оваа земја, која е сојузник на САД.
UPDATE: Ruptly producer injured by rubber bullet while covering #Tbilisi protest now receiving treatment in hospital pic.twitter.com/iqjD1Kffxr
— Ruptly (@Ruptly) June 20, 2019
Русија и Грузија од 2008 година, кога имаа краткотрајна војна, немаат диплоамтакси односи, а Москва ја призна независноста на двата отцепени региона Осетија и Абхазија, каде што сега се стационирани руски трупи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.
Свет
Во Таџикистан се уапсени девет лица поврзани со масакрот во Москва
Таџикистан уапси девет лица осомничени дека се поврзани со масовното пукање во руската концертна сала минатиот петок, како и милитантна исламистичка група која ја презеде одговорноста за нападот, изјави таџикистански безбедносен извор за Ројтерс. Четворицата осомничени напаѓачи зад најсмртоносниот напад во Русија во последните 20 години се државјани на Таџикистан. Тие беа уапсени со уште седум други осомничени, од кои некои исто така потекнуваат од поранешната советска централноазиска земја.
Одборот за државна безбедност на Таџикистан приведе девет лица во градот Вахдат. Осомничените сега се во главниот град Душанбе, рече изворот, но не даде детали. Најмалку 143 лица загинаа во напад на концертна сала во близина на Москва.
Таџикистан, член на безбедносниот блок предводен од Русија и дом на руската воена база, ги собра семејствата на осомничените напаѓачи за да можат да бидат испрашани од руските истражители во Душанбе, изјавија извори за Ројтерс.
Исламска држава ја презеде одговорноста за нападот во концертната сала, а американските официјални лица рекоа дека имаат разузнавачки информации кои укажуваат на тоа дека нападот го извршил авганистанскиот огранок на мрежата, Исламската држава Хорасан (ИСИС-К).
Руските истражители вчера објавија дека пронашле докази дека напаѓачите се поврзани со „украински националисти“. САД веднаш го отфрлија тврдењето како неоснована пропаганда. Киев остро негираше каква било вмешаност во нападот на концертната сала.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.