Свет
Демонстрантите против расизмот се придружија на антиизраелски протест во Вашингтон
Демонстрантите на „Блек лајвс медр“ им се придружија на антиизраелските демонстранти на националниот „Ден на бес“ во средата, кој вклучуваше повици за уништување на Израел и тврдења дека Израел убива деца, што е алузија на средновековните антисемитски ставови, пренесоа американски медиуми наменети за еврејската заедница.
Антисемитските и антиизраелските групи го организирале „Денот на бес“ на 1 јули, првиот ден кога владата на Израел соопшти дека може да го продолжи законот за еврејските заедници во Јудеја и Самарија (Западниот Брег).
Тој процес на проширување на суверенитетот, познат како анексија, ќе ја вклучува стратешката долина на Јордан и ќе остави голем дел од преостанатата територијата за Палестинците да создадат држава, според мировниот план претставен претходно годинава од претседателот Доналд Трамп.
Планот предвидува помош за Палестинците од 50 милијарди американски долари – ако се откажат од теророт и се согласат на демилитаризирана држава на понудената територија, со главен град источно од Ерусалим. Понудата истекува по четири години.
Но, Палестинците го отфрлија планот, а антиизраелските демонстранти се здружија со „Блек лајвс медр“ во средата, што дел од серијата антиизраелски демонстрации во повеќе американски градови во текот на следните неколку дена.
It was only a matter of time before the DC protests turned anti-Semitic. pic.twitter.com/YTbwwGuOYh
— Nic Rowan (@NicXTempore) July 1, 2020
Во Вашингтон, двете групи се спија во една, а демонстрантите извикуваа екстремистички антиизраелски пароли, пренесува „Вашингтон егзаминер“.
Маршот, предводен од Кристијан Табаш од Универзитетот „Харвард“, привлече околу 200 луѓе кои носеа знаци со пораки со поддршка за Палестинската ослободителна организација (ПЛО) и „Блек лајвс медр“. Како што маршот напредуваше, Табаш ги водеше своите следбеници во наизменични скандирања за Израел и за расна правда.
„Израел, те познаваме, и ти убиваш деца“, извикуваше толпата во еден момент.
Потоа следуваше скандирање „Црните животи вредат!“ и „Животите на Палестинците вредат!“
Идејата дека Израелците убиваат деца има корени во т.н. „крвна клевета“, лажно тврдење дека Евреите убиваат христијански деца за да ја користат нивната крв за бесквасниот леб за Пасха. Клеветата мигрирала во последните децении и во муслиманскиот свет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Братот на осомничениот за убиството на малата Данка починал од насилство, а не од природна смрт, пишуваат медиуми
Д.Д.(40), брат на еден од осомничените за исчезнувањето и смртта на двегодишното девојче Д.И., починал од насилна смрт на 7 април во раните утрински часови во полициската станица во Бор, констатирано е од стручното мислење на Институтот за судска медицина во Белград, објави Радар.
Во судско-медицинскиот извештај на телото на Д.Д биле констатирани бројни повреди, поради што вештаците констатирале дека се работи за насилна смрт. Наодите на вештачењето се проследени до надлежното Вишо јавно обвинителство Заечар за понатамошно постапување, пишува Радар.
Осомничениот Д.Д од Бор, во саботата на 6 април, во полициската станица во Бор бил задржан до 48 часа поради постоење основи на сомнение дека по извршеното кривично дело му помогнал на својот десетгодишен брат, кој е осомничен за убиството на двегодишната Данка Илиќ.
Истата вечер, три часа по полноќ, полицијата соопшти дека од „природна смрт“ починал Д.Д. Во соопштението на полицијата од 7 април, се наведува дека на осомничениот му се „слошило“ во раните утрински часови и дека „и покрај навремената реакција на полициските службеници и лекарите од Здравствениот дом во Бор, кои се обиделе да извршат реанимација, Д.Д. починал во 3 часот и 10 минути“.
Вештачењето на Институтот за судска медицина во Белград, пак, покажа дека Д.Д. не починал од природна смрт, но од последиците од тепањето, чии траги беа јасно видливи и детално опишани во вештачењето.
Свет
Орбан: Западот е на чекор од испраќање војници во Украина, Брисел си игра со оган
Западот е на чекор од испраќање војници во Украина и во Брисел владее провоено мнозинство, најави унгарскиот премиер Виктор Орбан.
„Во Европа расположението е војна, а во политиката доминира логиката на војната. Гледам подготовки за војна од сите страни. Генералниот секретар на НАТО сака да формира украинска мисија на НАТО. Европските лидери веќе влегоа во војна, разговарам со нив, ги слушам, тие ја гледаат оваа војна како нивна и така ја водат“, истакна Орбан.
Унгарскиот лидер укажа на постепено зголемување на помошта на Европа за Украина, почнувајќи од испраќање воена опрема и воведување санкции кон Русија до испраќање оружје и пари, објави HirTV.
Пари, пари, оружје, но состојбата не се подобрува, всушност се влошува. На чекор сме од Западот да испрати војници во Украина. Ова е вител на војна што може да ја одвлече Европа во длабочините. Брисел си игра со оган – предупреди Орбан и нагласи дека Будимпешта нема да биде вовлечена во руско-украинскиот конфликт.
Свет
Г7: Ќе ја зајакнеме воздушната одбрана на Украина
Земјите-членки на Г7 се решени да ја зајакнат воздушната одбрана на Украина, изјавија денеска нивните министри за надворешни работи кои се собраа на состанокот во Капри.
Седум суперсили – Италија, Канада, Франција, Германија, Јапонија, Велика Британија, САД и ЕУ – силно ја критикуваат руската инвазија на Украина, која трае повеќе од две години.
Сепак, Киев ги предупредува дека мора да ја сменат стратегијата доколку сакаат Украина да издржи се подеструктивни руски воздушни напади. Русија негира дека мета и се цивилите, но смета дека енергетскиот систем на Украина е легитимна цел. Во овие напади беа убиени стотици цивили.
„Г7 ќе ја зајакне воздушната одбрана на Украина за да спаси животи и да ја заштити критичната инфраструктура“, рекоа министрите за надворешни работи, додавајќи дека ќе ја зголемат одбранбената и безбедносната помош за Киев.
„Ние сме решени да продолжиме да обезбедуваме воена, финансиска, политичка, хуманитарна, економска и развојна помош за Украина и нејзиниот народ“, додаваат тие.
Изјавата беше објавена на крајот од тридневниот министерски состанок во Капри, каде главни теми беа Украина и воените конфликти меѓу Израел и Иран.