Свет
Десетици илјади граѓани протестираа на улиците во Минск, уапсени 50 демонстранти
Десетици илјади луѓе повторно се собраа на улиците во Минск, и покрај заканите од официјалните лица дека ќе употребат огнено оружје со боева муниција против демонстрантите.
Новинската агенција Интерфакс известува дека над 30 000 луѓе се собрале на протестите и дека биле уапсени околу 50 демонстранти.
Истиот извор наведува дека сигналот на мобилната мрежа бил прекинат во некои делови од градот, како и дека во близина на демонстрантите можеле да се слушнат силни звуци слични на оние произведени од експлозија на шок-бомба.
Во Белорусија се одржуваат протести уште од претседателските избори на 9 август, кога според официјалните податоци победи долгогодишниот лидер Александар Лукашенко. Опозицијата тврди дека изборите биле наместени и бара оставка од Лукашенко и нови избори.
Полицијата досега има уапсено 13.000 демонстранти, вклучително и значајни опоозициски лидери коишто не ја напуштиле земјата.
Министерството за внатрешни работи на Белорусија потврди дека припадниците на органите на прогонот во саботата уапсиле 58 демонстранти на протестите одржани во повеќе градови, за кршење на законот за одржување масовни протести.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.