Свет
Директорот на либанската Царинска служба уапсен поради смртоносната експлозија во Бејрут
Директорот на либанската Царинска служба, Бадри Дахер, вчера беше и официјално уапсен откако беше сослушан за катастрофалната експлозија во Бејрут претходно овој месец, јави државната Национална новинска агенција.
Истрагата е фокусирана на тоа зошто речиси 3.000 тони експлозивен амониум нитрат бил складиран во градското пристаниште. Палењето на залихите предизвикало експлозија што го потресе главниот град, при што загинааа најмалку 180 луѓе, а повредени се повеќе од 6.000.
Триесет лица сè уште се водат како исчезнати по експлозијата на 4 август, што предизвика штета проценета на 10 до 15 милијарди долари.
Документите што излегоа на површина по експлозијата покажаа дека властите знаат оти во магацин на пристаништето со години се чуваат 2.750 тони нитрат на амониум и знаеле за опасностите.
Судијата Фади Саван го сослушувал Дахер, кој беше приведен неколку дена по експлозијата, речиси четири и пол часа во присуство на неговите двајца адвокати пред да донесе налог за апсење. Дахер ќе остане во притвор додека трае истрагата.
По сослушувањето на Дахер, Саван се упатил местото на експлозијата за да ја испита штетата и подоцна ќе се врати за да го сослуша Хасан Корајтем, кој беше највисок службеник на пристаништето до денот на експлозијата.
Либанскиот претседател Мишел Аун рече дека истрагата за разорната експлозија е многу сложена и дека нема да заврши брзо. Аун рече дека постапката е поделена на три дела. Првата има за цел да ги утврди околностите околу товарот, втората од каде потекнува и кој го испратил, а третата да се најде кој е одговорен за ракувањето и обезбедувањето на истиот.
Аун рече дека ФБИ и француските иследници помагаат затоа што тие, повеќе од Либанците, имаат можност да ги дознаат деталите за тоа што го довело бродот таму, кое е одредиштето и кој го поседува.
Деветчлена екипа истражители од ФБИ во неделата слета во Бејрут и се верува дека се приклучиле на истрагата. Француските иследници со денови се активни во пристаништето.
Народниот гнев е зголемен поради корупцијата и лошото работење на владејачката елита. Владата на Либан, која е поддржана од терористичката група Хезболах и нејзините сојузници, поднесе оставка на 10 август и продолжува да служи во својство на привремена власт. Во тек нема официјални консултации за тоа кој ќе го замени Хасан Диаб за премиер и не се појави ниту еден кандидат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.