Свет
Долг, сериозен и детален разговор помеѓу Путин и Меркел
Три часа траеа разговорите помеѓу лидерите на Русија и Германија, Владимир Путин и Ангела Меркел во Берлин.
Портпаролот на рускиот претседател, Дмитриј Песков, по средбата изјави дека разговорите биле темелни и долготрајни.
„Преговорите беа долготрајни. Многу дедтален разговор за теми кои воглавно беа наведени во изјавите на претседателот и канцеларката пред почетокот на средбата“, рече Песков пред новинарите, пренесе новинската агенција „Спутник“.
Тој додаде дека кај двете страни немало намера за постигнување на договор.
„Ова беше многу корисен разговор направен во вистинско време. Беа разменети информации за низа актуелни прашања“, рече Песков и истакна дека станало збор за билатералните односи, но и за растот на трговската размена помеѓу Русија и Германија.
Лидерите на двете земји се изјасниле дека се против политизација на проектот за гасоводот „Северен тек 2“, а разговарале и за транзитот на гас преку Украина. Двајцата се согласиле дека проектот е комерцијално корисен и конкурентен и дека мора да се заштити од напади на трети лица, за на крајот да се реализира, наведе Песков.
Меѓу темите на состанокот било и решавањето на сирискиот конгликт.
„Путин нагласи постепено развивање на процесот за враќање на бегалците и ги повика европските земји да дадат свој придонес за процесот да биде неповратен“, рече Песков.
Освен тоа, Путин и Меркел разговарале и за непредвидливоста во однесувањето на низа земји по прашањето за царините, изразувајќи загриженост дека тоа може да има негативни последици за глобалната трговија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.