Свет
Дутерте го потпиша контроверзниот филипински закон за борба против тероризмот
Филипинскиот претседател, Родриго Дутерте, го потпиша жестоко дебатираниот Законот за антитероризмот, неколку недели откако тврдеше дека бунтовничките групи што се борат против владата ја користат епидемијата на Ковид-19, пренесува РТ.
Масовно поддржан од двата дома на парламентот на почетокот на овој месец, Актот за борба против тероризмот 2020 година сега го одобри и Дутерте, објавија локалните медиуми повикувајќи се на претседателскиот портпарол Хари Роке.
Законодавството формира нов субјект наречен Антитерористички совет, кој ќе може да ги овластува безбедносните сили да апсат осомничени терористи без судски налог и да ги задржуваат во притвор без обвинение до 24 дена. Постојните закони пропишуваат дека таквите притвореници мора да бидат изведени пред суд во рок од три дена.
Исто така, со законот се забранува поттикнување на другите да извршат тероризам преку говори, прогласи, списи, амблеми, транспаренти или други претстави со истата цел.
Припадниците на агенциите за спроведување на законот сега ќе бидат помалку одговорни за недолично однесување – од нив повеќе нема да се бара да платат приближно 10.000 долари за секој ден незаконски наметнат притвор.
Дутерте исто така вети дека ќе биде построг кон тероризмот и бунтовите. Во јуни, тој рече дека Абу Сајаф – локалниот огранок на Исламска држава – како и бунтовничката Комунистичка партија на Филипините ја злоупотребуваат кризата со Ковид-19 во своја корист.
Законот за антитероризам наиде на силно спротивставување од локалните групи за човекови права и активистите кои ја повикаа владата да ја промени мерката. Критичарите тврдат дека дефиницијата за тероризам е премногу нејасна и би можела да ги направи цел и оние кои едноставно не се задоволни од претседателот.
Одделот за внатрешни работи и локална самоуправа, кој ги надгледува националните полициски сили, ги отфрли овие грижи, уверувајќи го населението дека луѓето немаат што да се плашат од овој предлог-закон и дек од него треба да се плашат само терористите и нивните приврзаници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Свет
Хамас и Исламски џихад нападнаа израелски војници во близина на болницата Ал Шифа
Израелските сили и палестинските борци денеска се судрија околу болницата Ал Шифа во Газа, каде вооружените крила на Хамас и Исламски џихад соопштија дека нападнале израелски војници и тенкови со ракети и минофрлачки оган.
Израелската војска соопшти дека продолжува да оперира околу болничкиот комплекс во градот Газа, откако упадна во него пред повеќе од една недела. Израелските сили убиле околу 200 милитанти од почетокот на операцијата притоа спречувајќи штета на цивили, пациенти, медицински тимови и медицинска опрема, соопшти армијата.
Министерството за здравство на Газа соопшти дека ранетите и пациентите се сместени во административната зграда на Ал Шифа, која не е опремена за да им обезбеди соодветна медицинска нега. Пет пациенти починаа од почетокот на последниот израелски напад поради недостиг на храна, вода и медицинска нега, соопшти Министерството кое го води Хамас.
Ал Шифа, која беше најголемата болница во Газа пред војната, е една од ретките здравствени установи кои делумно продолжија да функционираат во северниот дел на Газа пред последните борби. Во него се сместени и раселените цивили.
Вооружените крила на милитантните групи Хамас и Исламски џихад во соопштението соопштија дека во заедничка операција бомбардирале со минофрлачки гранати групи израелски војници во близина на комплексот Ал Шифа“.
Исламски џихад истрела противтенковска ракета врз израелски тенк пред болницата, се вели во друга изјава. Израелската војска објави дека милитантите пукале врз нејзините сили од внатрешноста на зградата за итни случаи, како и од областа околу неа.
Израел тврди дека цели кон милитантите на Хамас кои се засолнуваат во цивилни згради, вклучувајќи станбени блокови и болници, што Хамас го негира.
Најмалку 32.552 Палестинци се убиени, а 74.980 се ранети во израелската воена офанзива во Појасот Газа од 7 октомври, соопшти во четвртокот Министерството за здравство на крајбрежната енклава.
Се верува дека илјадници други загинале под урнатините и дека над 80 отсто од 2,3 милиони жители на Газа се раселени, а многумина се изложени на ризик од глад.
Војната избувна откако милитантите на Хамас го нападнаа јужниот дел на Израел, убивајќи 1.200 луѓе и зедоа 253 заложници.
Светската здравствена организација соопшти дека болницата Ал Амал е затворена поради борбите, оставајќи делумно функционирање само 10 од 36-те болници во Појасот Газа.
СЗО уште еднаш бара итен прекин на нападите врз болниците во Газа и повикува на заштита на медицинскиот персонал, пациентите и цивилите, рече шефот на организацијата, Тедрос Аданом Гебрејесус, во четвртокот на X.
Свет
(Видео) Огромна дупка во Рим проголта два автомобили
Огромна дупка се отвори на улица во југоисточен Рим и проголта два паркирани автомобили.
Дупката со дијаметар од 10 метри и длабочина од околу 10 метри се отворила во раните утрински часови, јавуваат италијанските медиуми, повикувајќи се на локалната полиција.
Фотографиите и видеата од огромниот кратер брзо се проширија на социјалните мрежи.
MASSIVE SINKHOLE ÖFFNET SICH BEI ROM! – 28.3.2024
In der Nacht öffnete sich in Rom ein riesiges Sinkhole, das zwei Autos verschluckte. Ein drittes blieb in der Schwebe. Das Sinkhole öffnete sich in der Via Sestio Menas in Quadraro in Rom. pic.twitter.com/51aNnxhT46
— Ramses 🇨🇭 (@RS38900) March 28, 2024
Нема извештаи за жртви, а службите за итни случаи соопштија дека за време на инцидентот немало луѓе на улица. На местото на настанот пристигна локалната полиција и пожарникарите.
На фотографиите се гледаат други автомобили паркирани покрај дупката, кои морале да се отстранат.
Во поголемите италијански градови често се отвораат кратери. Кон крајот на февруари, огромна дупка во Неапол, јужна Италија, проголта неколку автомобили во прометна населба.
Дури и во Рим ваквите инциденти не се ретки. Една од причините за тоа е староста на италијанската престолнина, каде стотина години се вршат ископувања и градежни работи.