Свет
Европски медиуми: Америка ја вовлекува неволната Европа во конфликт со Кина
Некои аналитичари во ЕУ сметаат дека Америка во суштина ја вовлекува Европа во конфликт со Кина против нејзината волја и интереси.
Додека некои медиуми во американската политика со симпатии кон земјите од Европската унија бараат Европа, на ист начин како и во случајот со Украина, да направи економски жртви и да му помогне на Вашингтон во поддршката на Тајван да се спротивстави на политиката на Пекинг.
Шведскиот дневен весник „Експресен“, слично како и весниците особено во Полска и балтичките земји, прави паралела со поддршката на Западот за Киев во војната со Русија и вели дека „факт е дека Украина се бори херојски и тоа ја чини Русија многу… со санкции од САД и ЕУ“, и затоа бара на ист начин да му се помогне на Тајван.
Многу аналитичари во ЕУ истакнуваат дека САД и Европа во политиката и политичките режими на Русија и Кина гледаат витален конфликт помеѓу демократијата и авторитарната визија за општествениот поредок и поделбата на светот, за што, пред сè, Вашингтон верува дека е повикан и моќен да спречи.
Но, тие забележуваат и дека реакцијата на Кина била жестока, досега кон Америка, па прашуваат како Европската унија, со енергетската криза со Русија, можела да ги надмине можните санкции од Пекинг, кој е главен трговски партнер на Германија и важен пазар за другите членки од унијата.
Шпанскиот дневен весник „Вангардија“ смета дека „патувањето на Пелоси во Тајпеј било симбол на ароганцијата на таа голема сила“.
Италијанскиот весник „Кориере дела сера“ смета дека „без разлика на здравиот разум, хуманоста и економските интереси, нема сомнеж дека (кинескиот претседател) Шји Џинпинг не ја исклучува употребата на сила“ против Тајван, која ја смета за дел од неговата територија како дел од политиката „Една Кина“.
Миланскиот весник додава дека „Кина, втората светска економска сила, тогаш би се нашла на удар, ако не директно од американска интервенција, туку со истите мерки како Владимир Путин поради Украина, со изолација и санкции… но тоа би значи дека целиот глобализиран свет ита во тешка сива зона на дестабилизација“.
Германскиот портал „Евроинтелигенс“ во остар коментар наведува дека „глупоста на неколку американски политичари кои истовремено се обидуваат да се справат со Кина и Русија налага заклучокот дека Европа во никој случај не е иста како што беше во 19. 20 век“.
Италијанскиот весник „Република“ е на мислење дека „исто како и во случајот со Украина, каде што вистинскиот страв на Владимир Путин не е проширувањето на НАТО, туку опасноста од демократска зараза, Тајван претставува големо зло за Шји Џинпинг, трансформација на Кина во демократски поредок заснован на владеење на правото“.
„Дојче веле“ заклучува дека факт е дека „сега заканата од војна е во воздухот, а во прашање се светот и нуклеарните сили, иако Тајван е нерешлив замрзнат конфликт, па ако замрзнатиот конфликт не може да се реши, тогаш замрзнат треба и да се чува“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.