Свет
Еден од напаѓачите го најавил масакрот во руското училиште носејќи маска со натпис „бог“
Најмалку 11 лица се убиени во вооружениот напад во средно училиште во рускиот град Казањ. Напаѓачите, според информациите објавени од медиумите, се двајца тинејџери.
Еден од напаѓачите, идентификуван како 19-годишниот Илназ Галијавиев, за време на апсењето изјавил дека поставил бомба и во станот на мајка си. Другиот напаѓач е наводно убиен.
Фото Ильназа Галявиева, который устроил стрельбу в Казани:https://t.co/0xt4yZCV5o pic.twitter.com/dN9SqFmCLC
— РЕН ТВ | Новости (@rentvchannel) May 11, 2021
Засега не е познат мотивот за нападот.
Сепак, според порталот „База“, еден од напаѓачите отворил канал на апликацијата „Телеграм“ непосредно пред нападот и оставил неколку пораки. Тој се фотографирал со маска на која пишувало „бог“ и напишал дека ќе го нападне училиштето и потоа ќе се самоубие.
Осторожно жёсткие кадры очевидцев у школы в Казани. pic.twitter.com/Hg3r0augiS
— РЕН ТВ | Новости (@rentvchannel) May 11, 2021
Меѓу убиените има најмалку осум деца и наставник, изјави извор за руската новинска агенција „Интерфакс“. Според ТАСС, 32 лица биле повредени и хоспитализирани. Министерството за внатрешни работи на Татарстан соопшти дека напаѓачите имале експлозивни направи и автоматско оружје.
Порталот „Бата“ ги објави и првите снимки од училиштето каде што се случил нападот.
?? First footage from inside the school.#Kazan #Russia pic.twitter.com/91yn7DjoUw
— Dailyaz (@dailyaz1) May 11, 2021
Лекарите успеале да спасат една од жртвите на која ѝ затаило срцето. Ученикот Арслан Шигапов бил застрелан неколку пати, неговото срце затаило, но лекарите успешно го реанимирале.
Заедно со него најмалку пет други деца се на одделот за интензивна нега.
Властите во Татарстан, руска република чиј главен град е Казањ, објавија дека е засилена безбедноста во другите училишта во градот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите, кои ќе траат шест недели, а ќе гласаат речиси 970 милиони
Денеска, почнаа најобемните избори во светот, а речиси 970 милиони регистрирани гласачи во Индија учествуваат во овој огромен процес, кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарда жители. Гласачите, всушност, не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави „Дојче веле“.
На натпреварот учествуваат шест национални партии, 57 партии од индиските сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формира сојуз од 28 партии, наречен Индиски национален развој – инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду-мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира кога ќе се разјасни неговата природа.
„Во секој случај, без разлика на сѐ, продолжуваме да се залагаме за воздржаност од двете страни за да нема дејства што би предизвикале натамошна ескалација на тензиите во регионот“, рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала „Шахед“ од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.