Свет
(видео) Еден уапсен по пукањето во Хале, ново пукање во Ландсберг
Германската полицијата потврди дека едно лице е приведено по пукањето во Хале во кое загинаа две лица, а неколку други се повредени. Граната бил фрлена и на еврејските гробишта.
Тие не изнесуваат детали за уапсениот и за целта на нападот. Весниците „Билд“ и „Мителдојче цајтунг“ објавија дека пукањето се случило во близина на синагогата. Едно лице интервјуирано на телевизијата „НТВ“ изјави дека бил во продавница за донер кога видел маж со кацига и воена јакна, кој потоа испукал истрели во продавницата.
Подоцна и корисник на интернет објави фотографија од наводниот напаѓач со автоматско оружје во рацете и со воена јакна и шлем.
Приведен е маж, а повеќе детали за него полиција ќе соопшти подоцна. Постојат индиции за тројца сторители, но досега ова се непотврдени информации.
На интернет циркулира и наводна снимка од еден од напаѓачите, кој почнува да пука излегувајќи до автомобил, но автентичноста на снимката не е потврдена
Irre! #Halle via @MDR_aktuell pic.twitter.com/0SLLBaGF5O
— Michael Ziesmann (@M_Ziesmann) October 9, 2019
Портпарол на полицијата изјави за ТВ-каналот „НТВ“, дека има две места на злосторство – продавницата за донер и синагогата. Макс Приворотски, претседател на еврејската заедница во Хале, изјавил за „Шпигел“ дека двајца напаѓачи се обиделе да влезат во синагогата, во која имало 70 до 80 луѓе. Соучесниците на напаѓачот подоцна, наводно, избегале со автомобил.
Полицијата предупреди на Твитер дека луѓето во околината треба да останат внимателни и увери дека работат на стабилизирање на ситуацијата. Тие најавија дека е зголемена безбедноста на синагогата во Дрезден и еврејските гробишта како заштитна мерка. Дрезден е на околу два часа од Хале. „Дојче бан“ ја затвори железничката станица во Хале по пукањето во синагогата.
Германскиот весник „Билд“ објави дека истрели се слушнале и на околу 15 километри од Хале во Ландсберг, а информацијата е потврдена и од полициски извор. Полицијата побарала и од жителите во Ландсберг да останат во своите домови. Не е познато дали се поврзани овие два инциденти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.