Свет
Експертите пресметаа што ќе се случи ако мерките во Вухан прерано се укинат
Одложувањето на повторното отворање на училиштата и бизнисот по епидемијата на коронавирусот во Кина би можело да ја одложи можноста за втор бран на епидемијата и ќе му овозможи на здравствениот систем да закрепне, велат експертите повикувајќи го светот внимателно да ја следи ситуацијата во Вухан.
По успешните мерки за ограничување на ширењето на вирусот и селењето на жариштето во Европа, Кина по два месеца ги ублажи мерките во градот Вухан.
Експертите во студијата објавена вчера во магазинот „Лансет публик хелт“ сугерираат дека задржувањето на рестриктувните мерки во Вухан до април би можело да го одложи потенцијалниот втор бран на болеста. Како што се објаснува, тоа би им дало на здравствените работници повеќе време да закрепнат и потенцијално би спасило животи.
„Градот сега треба да биде многу внимателен за да избегне прерано укинување на мерките за социјална дистанца бидејќи тоа би можело да доведе до претходниот врв од втор бран на епидемијата“, пишува Киеша Прем, специјалист од Училиштето за хигиена и тропска медицина од Лондон, кој го водел истражувањето.,
„Ако мерките се укинуваат постепено, тоа најверојатно ќе го одложи и растегне врвот на заразата“ се додава во студијата, која со математички модели симулирала случаи на одложување на почетокот на училиштата и деловните активности, односно рано укинување на мерките во Вухан.
Укинувањето на мерките во овој момент како последица би предизвикал втор бран на епидемијата и тоа веќе кон крајот на август, предупредуваат експертите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.