Свет
Експертите: Бразилскиот сој на коронавирусот мутира, може да стане уште поопасен
Бразилскиот вид на коронавирусот П1, што е причина за порастот на смртни случаи од Ковид-19 во оваа земја, мутира на начин што ќе му овозможи полесно да ги избегне антителата, покажа бразилска научна студија.
Овие мутации, предупредуваат бразилските научници, може да го направат вирусот поотпорен на вакцините, со потенцијални сериозни последици за ширењето на болеста.
„Ние веруваме дека ова е уште еден механизам за криење на вирусот за да се избегне одговорот на антителата“, рече Фелипе Навека, еден од авторите на студијата.
Навека рече дека промените се чини оти се слични на мутациите забележани во уште поагресивниот сој на јужноафриканскиот коронавирус, против кој, како што покажаа некои студии, некои вакцини имаат значително намалена ефикасност.
„Ова е особено загрижувачко затоа што вирусот продолжува да ја забрзува својата еволуција“, додаде тој.
Истражувањата покажаа дека варијантата П1 е дури 2,5 пати позаразна од оригиналниот коронавирус и поотпорна на антителата.
Во вторникот Франција ги прекина сите летови од и до Бразил во обид да спречи ширење на овој вид коронавирус во време кога најголемата економија во Латинска Америка станува сѐ повеќе изолирана.
Новиот сој, која бргу стана доминантен во Бразил, се смета дека е главен фактор за екстензивниот втор бран од пандемијата во кој бројот на смртни случаи во таа земја надмина 350.000, што е втор најголем број на починати во светот по САД.
Бранот на коронавирусот во Бразил сѐ повеќе ги погодува помладите луѓе, а податоците од болниците покажуваат дека во март повеќе од половина од сите пациенти на интензивна нега биле на возраст под 40 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лукашенко: Исходот од претседателските избори во Русија е сериозен сигнал за Западот
Претседателот на Белорусија Александар Лукашенко ги коментираше резултатите од претседателските „избори“ во Русија.
„Исходот од претседателските избори во Русија е сериозен сигнал за Западот, кој сметаше на протресување на ситуацијата во Русија одвнатре. Тие не можеа да го направат тоа на првата линија, па се обидоа да го направат тоа одвнатре, но и тие не успеаја“, рече Лукашенко, цитиран од државната агенција „БелТА“.
Лукашенко рече дека никој не може да ги принуди луѓето на Белорусија и Русија на ништо.
Тој се пофали како изборниот процес во Русија е добро организиран. „Природно, претседателот Путин мораше да работи многу, видовте. Тој неуморно патуваше низ цела Русија, посетуваше различни места и одговараше на виталните прашања на рускиот народ.
Процесот на планирање и селекција беше совршен. Има многу да се научи. Сите беа мобилизирани и консолидирани. Луѓето се патриоти и резултатот е совршен. Ова е лекција за нас“, рече претседателот на Белорусија.
Свет
Драма на лет за Лондон: Патник се обидел да се убие во тоалетот на авионот
Пилотот на авионот принудно слетал откако патник наводно се обидел да се самоубие за време на летот.
Патувањето од Бангкок до Лондон завршило драматично, откако стјуардесите наишле на страшна сцена. Наводно патникот бил пронајден во тоалетот во моментот кога се обидувал да стави крај на животот, пренесуваат медиумите.
Британскиот таблоид „Сан“ наведува дека на помош на патникот дошле стјуардесите и докторот кој се затекнал на летот. На мажот му била укажана прва помош по слетувањето и итно бил пренесен во болница на понатамошно лекување.
Компанијата „ЕВА“ потврди дека инцидентот се случил на летот „БР67 Бангкок-Лондон“.
Не е познато на кој аеродром во Лондон слетал авионот.
Регион
Неписмени гангстери: реакција на Милановиќ по одлуката на Уставниот суд
Хрватскиот претседател Зоран Милановиќ денеска ја коментираше одлуката на Уставниот суд за неговата кандидатура.
Медиумите во регионот потсетуваат на одлуката на Уставниот суд во која е заклучокот дека хрватскиот претседател Зоран Милановиќ не може да учествува во политичките активности на ниту една политичка партија додека ја извршува својата функција. Претседателот на Уставниот суд,Мирослав Шепаровиќ му забранил да биде на избирачкиот список и на кој било начин да учествува во изборната кампања додека е претседател.
„Тоа го направија на гангстерски начин. Тие не ми можат ништо, но јас им можам. Тоа се сељаци, неписмени. Писмен човек, барем тој што завршил автошкола, има проблем со тоа“, рече тој.
Зоран Милановиќ потоа на насобраните во Вела Лука им ја прочитал одлуката на Уставниот суд.
„Најверојатно хрватскиот го научиле во автомеханичарска работилница. Според овие неписмени гангстери, тоа е забрането, но не е“, рече тој.
„Ова мора да се реши на избори. На крајот ќе бидам премиер, но нема да и кажувам на таа банда како. Ќе бидам кандидат на изборите, како што можев да бидам и на европските избори. Јас нема да си дадам мандат. Што е тука спорот, неписмени гангстери“, праша тој.
Собирот на ХДЗ во Лисински го нарече бал на вампирите. Тој рече дека во првите редови имало двајца ректори на државните универзитети.
„Со гангстерите ќе се справиме по изборите“ рече тој.