Свет
Експерти: На дел од заразените со „Црна габа“ во Индија хируршки им се отстрануваат очите за да им се спаси животот
Заразата со „Црна габа“ се повеќе се шири во Индија по катастрофалниот бран на таканаречениот двоен мутант, „делта“ сојот на коронавирусот.
Ретката, но тешка инфекција со „Црна габа“ може да го уништи видот и да се прошири на мозокот.
Според извештаите, бројот на луѓе кои страдаат од габична инфекција, стручно позната како мукормикоза, драматично се зголемил за само еден месец. Минатиот месец биле пријавени меѓу неколку десетици и неколку стотици случаи а проценките варираат, и сега има 31.000 заразено лице, пишуваат медиумите.
Според нив, последните денови од Индија пристигнуваат вести за случаи на деца кои по хируршки пат ги отстраниле очите поради габичната инфекција.
Три деца на возраст од 4, 6 и 14 години, заразени со „Црна габа“ морале да одат на операција за отстранување на окото во Мумбаи, додека лекарите посочуваат дека мукормикозата кај децата е загрижувачки знак.
Оваа болест е насочена кон ковид пациенти со коморбидитети или болести како што е дијабетес и е опасна дури и за оние кои се заразиле со коронавирус.
„Црната габа“ се прошири на очите на децата и да не ги отстраневме, нивните животи ќе беа загрозени. Тие веќе беа слепи на едното око и имаа голема болка“, рече д-р Притеш Чети од болницата КБХ Бажуали во Мумбаи.
Владата на државата Џарканд прогласи епидемија на мукормикоза во вторникот, откако беа евидентирани 130 сомнителни и 79 потврдени случаи. Дваесет и пет лица починаа, а 37 се опоравија, соопштија властите.
Инфекцијата, според експертите може да влијае на гастроинтестиналниот тракт, рани на кожата, белите дробови и крвта.
Во Индија, „Црната габа“ се чини дека главно влијае на носот и синусите, од каде што може да се прошири на коските, на лицето, очите, па дури и мозокот. Откако ќе се утврди инфекција, таа може брзо да стане агресивна и да доведе до смрт на ткивото. Ако се прошири на очите, многу пациенти завршуваат со трајно губење на видот, а во некои случаи нивните очи мора да се отстранат хируршки за да се спречи ширењето на инфекцијата, објаснуваат упатените.
„Обично влијае на пациенти со ослабен имунитет, како што се дијабетичари. Габите сакаат кисела средина, па затоа пациентите со дијабетична кетоацидоза се особено ранливи“, велат медицинските лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја поради што понекогаш се појавуваат разни бројки за американската помош за Киев.