Свет
Експерт за вакцини сведочеше против Трамп: Задоцнивме, можевме многу подобро
Докторот Рик Брајт, поранешен директор на Управата за биомедицински истражувања и развој, сведочеше пред американскиот Конгрес за неподготвеноста на администрацијата на претседателот Доналд Трамп за пандемијата на коронавирусот.
Брајт смета дека целата администрација можела да направи подобро на почетокот на пандемијата.
„Верувам дека можевме подобро. Верувам дека критичните потези не ги презедовме навреме“, рекол Брајт и споменал имејл што го добил од Мајк Бовен, доставувач на медицинска опрема.
„Во големи го*на сме, светот е во големи го*на“ пишувало во имејлот, а Бовен бил загрижен поради малиот број респиратори Н95 додавајќи дека владата одбила да го зголеми производството.
Брајт рекол дека се обидел да ги предупреди првите луѓе во владата за таквите проблеми, но секогаш добивал оправдувања или не добивал никакви одговори.
Брајт е еден од водечките луѓе во САД што се однесува до развојот на вакцини и верува дека периодот од 12 до 18 месеци за развој на вакцина против коронавирус е многу оптимистично сценарио.
„Можеме да добиеме вакцина во тој период ако сè помине совршено. Никогаш не е сè совршено и верувам дека ќе треба подолго време за да дојдеме до вакцина. Се грижам дека ако многу брзаме и ги прескокнуваме критичните чекори, дека во тој случај нема да можеме да ја оцениме безбедноста на вакцината, така што ќе ни треба време“ објаснува Брајт.
Тој и претходно ја обвини администрацијата на Трамп дека се обидува побргу да го употреби „хидроксиклорокинот“, лек против маларија, за лекување пациенти со Ковид-19 поради што, како што тврди тој, бил сменет од функцијата.
Трамп на „Твитер“ напиша дека никогаш не слушнал за Брајт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие кои имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира брзо, изјави за Телеграф.рс Марко Ницовиќ, поранешен началник на белградската полиција.
Според Ницовиќ, полицијата оди во добра насока, бидејќи ја чешла секоја педа од земјата, но се надеваат и дека темелно се проверуваат граничните премини, бидејќи не ја исклучуваат можноста за киднапирање.
– Би можело да биде се, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата, вели Ницовиќ за српски Телеграф.
Да потсетиме, потрагата по двегодишната Данка Илиќ влезе во четврти ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде последен пат беше видена исчезнатата Данка по која трага цела Србија пристигна тешка механизација која ќе продолжи да работи денес за да се расчисти теренот.
Свет
Во Таџикистан се уапсени девет лица поврзани со масакрот во Москва
Таџикистан уапси девет лица осомничени дека се поврзани со масовното пукање во руската концертна сала минатиот петок, како и милитантна исламистичка група која ја презеде одговорноста за нападот, изјави таџикистански безбедносен извор за Ројтерс. Четворицата осомничени напаѓачи зад најсмртоносниот напад во Русија во последните 20 години се државјани на Таџикистан. Тие беа уапсени со уште седум други осомничени, од кои некои исто така потекнуваат од поранешната советска централноазиска земја.
Одборот за државна безбедност на Таџикистан приведе девет лица во градот Вахдат. Осомничените сега се во главниот град Душанбе, рече изворот, но не даде детали. Најмалку 143 лица загинаа во напад на концертна сала во близина на Москва.
Таџикистан, член на безбедносниот блок предводен од Русија и дом на руската воена база, ги собра семејствата на осомничените напаѓачи за да можат да бидат испрашани од руските истражители во Душанбе, изјавија извори за Ројтерс.
Исламска држава ја презеде одговорноста за нападот во концертната сала, а американските официјални лица рекоа дека имаат разузнавачки информации кои укажуваат на тоа дека нападот го извршил авганистанскиот огранок на мрежата, Исламската држава Хорасан (ИСИС-К).
Руските истражители вчера објавија дека пронашле докази дека напаѓачите се поврзани со „украински националисти“. САД веднаш го отфрлија тврдењето како неоснована пропаганда. Киев остро негираше каква било вмешаност во нападот на концертната сала.
Регион
Нов силен земјотрес ја погоди Грција: се стресе на Крит
Нов земјотрес со јачина од 3,7 степени според Рихтеровата скала ја погоди Грција, соопшти ЕМСЦ.
Земјотресот е регистриран на Крит, на 62 километра од Ираклион, на длабочина од 16 километри.
Земјотресот е регистриран во 12.37 часот по локално време.
Засега нема информации за повредени или материјална штета.
Грција утрово ја погоди силен земјотрес со јачина од 5,7 степени според Рихтеровата скала по што следеа афтершокови.