Европа
ЕК: Фон дер Лајен е изненадена од протоколот во Анкара, но поважна ѝ беше суштината на разговорот
Европската комисија денеска соопшти дека претседателката Урсула фон дер Лајен била видно изненадена од распоредот за седење за време на вчерашните разговори со турскиот претседател Реџеп Таип Ердоган во Анкара, но дека нејзиниот приоритет е суштината на односите меѓу ЕУ и Турција, а не протоколот.
Вчерашното видео од Анкара покажува дека протоколот предвидувал две централни места за претседателите на Европскиот совет, Шарл Мишел и турскиот претседател Ердоган, додека претседателката на ЕК, Урсула фон дер Лајен, била видно збунета и сместена на софа на страна.
„Тешко е да се процени зошто ѝ е понудено тоа место, но тоа е прашање на турските власти, кои се одговорни за организирање на состанокот“, рече портпаролот на Комисијата, Ерик Мамер.
Европската комисија забележува дека протоколот за претседателите на Европскиот совет и Европската комисија е ист и дека е „нормално“ да се третираат исто кога се во посета во странска земја.
„Како и да е, претседателката одлучи да учествува во разговорите и да ` даде предност на суштината во однос на протоколот. Во исто време, таа побара од нејзиниот тим да обезбеди дека таков пропуст нема да се случи во иднина“, вели Мамер.
Групата на Европската народна партија, која претставува најсилна и најстара политичка група во Европскиот парламент, вклучително и претставници на германската ЦДУ, од која доаѓа и самата Фон дер Лајен, вели дека некој треба да се срами што претседателката на ЕК не добила соодветно место во палатата на Ердоган.
„Жените заслужуваат исто признание како и нивните машки колеги“, велат пратениците на Европската народна партија.
По вчерашните разговори во Анкара, Мишел и Лајен изјавија дека ЕУ е подготвена да понуди позитивна агенда во односите со Турција, за економска соработка, миграција, човечки односи и мобилност и дека се надеваат дека Турција ќе ја искористи оваа можност.
Фон дер Лајен истакна дека ЕУ ќе продолжи да ѝ помага на Анкара да обезбеди засолниште за бегалците преку инвестирање во програми за бегалци, но исто така изрази загриженост за повлекувањето на Турција од Истанбулската конвенција за спречување на насилство врз жени и деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.