Свет
Емиратите нагло ја намалиja поддршката за палестинските бегалци
Обединетите Арапски Емирати (ОАЕ) нагло го намалија финансирањето на Агенцијата на ОН за палестински бегалци (УНРВА) во 2020 година, пренесува „Мидл Ист монитор“.
Портпаролот на меѓународното тело, Сами Мешаша, рече дека ОАЕ донирале 51,8 милиони долари на УНРВА во 2018 година и повторно во 2019 година, но во 2020 година ѝ дале на агенцијата само милион долари.
Намалувањето на финансирањето од ОАЕ прво беше објавено од израелските медиуми. Ова намалување се случи истата година кога оваа заливска земја со посредство на САД потпиша договор за нормализација на односите со Израел.
„Навистина се надеваме дека во 2021 година тие ќе се вратат на нивото од претходните години“, рече портпаролот на УНРВА.
Претставници на Емиратите не одговориле на барањето за коментар.
УНРВА обезбедува образование, здравствена заштита и други витални услуги на околу 5,7 милиони регистрирани палестински бегалци на Блискиот Исток. Овие бегалци се потомци на повеќе од 700.000 Палестинци кои биле принудени да ги напуштат своите домови, села и градови во 1948 година кога бил создаден Израел.
Откако поранешниот американски претседател Доналд Трамп стапи на должност во 2017 година, САД ја намалија хуманитарната и економската помош за Палестинците. Како резултат, палестинските власти и групите за поддршка, како што е УНРВА, претрпеа сериозни финансиски кризи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Драма во Америка: во куќа пронајдени тела на пет лица, меѓу нив и деца
Телата на пет лица, меѓу кои и две деца, се пронајдени во куќа во Оклахома Сити, соопшти денеска американската полиција.
Получникот Гери Најт од полицијата на државата Оклахома изјави дека загинатите биле семејство и дека починале од насилна смрт, пренесува „Ен-би-си њуз“.
Најт додаде дека полицијата сè уште не може да открие што точно откриле инспекторите.
Полицијата беше испратена во дом на 20-ина милји западно од центарот на Оклахома Сити под сомнение дека таму се наоѓаат телата, рече Најт.
Според него, на сите тела имало повреди, кои изгледале како да се работи за убиство.
Свет
Швајцарија ги замрзна руските средства во вредност од 5,8 милијарди франци
Швајцарија го замрзна рускиот имот во вредност од 5,8 милијарди швајцарски франци или 5,95 милијарди евра, објави денеска Државниот секретаријат за економски прашања на земјата (SECO).
Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.
Вредноста на замрзнатите руски средства во Швајцарија е значително помала отколку на крајот на 2022 година кога изнесуваше 7,5 милијарди швајцарски франци, пренесува „Ројтерс“.
Регион
(Видео) Во Хрватска падна снег
На подрачјето на Горски Котар во Хрватска синоќа падна снег, а на места имаше и вистинска снежна покривка.
Снег ја зафати и горанската делница на автопатот А6 Риека – Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.