Свет
Енкрипцијата на „Фејсбук“ ја поткопува борбата против терористите и педофилите
„Фејсбук“ повторно може да се најде во проблеми, но овој пат не станува збор за нарушувања на приватноста, туку сосема спротивно, пренесува „Спутник“. Одлуката на компанијата да ја засили безбедноста на својата платформа со воведување енд-ту-енд енкрипција предизвикува голема загриженост кај владите и организациите во светот.
Екрипцијата на „Фејсбук“ ја поткопува можноста на Британија да се бори против терористите и да ги заштитува децата од педофили, рече шефот за национална безбедност во Хоум офисот.
Во писмото до Судскиот комитет на Сенатот на САД, кој одржува сослушувања за енкрипцијата на „Фејсбук“, Клои Скирес напиша дека одлуката на гигантот за социјални мрежи за зајакнување на безбедноста ќе им даде на криминалците место за криење, бидејќи разузнавачките агенции нема да можат да ги пресретнат и прочитаат нивните комуникации.
„Во повеќето случаи, истрагата се одвива пред да се случи напад и примарна цел на нашите агенции е да го спречат тоа и да спречат невини луѓе да бидат убиени на нашите улици“, напиша Скирес во своето писмо.
Таа посочи дека ако „Фејсбук“ ја воведел енкрипцијата во последниве неколку години, 26 милиони парчиња терористички материјал што биле откриени меѓу октомври 2017 и март годинава ќе поминеле незабележано. Истата судбина би имале и 12 милиони извештаи за сексуални злоупотреби на деца, што доведе до 2.500 апсења.
„Тие бројки тешко се разбираат и вреди да се паузира за да се размисли за нив. Тоа се речиси 3.000 деца кои инаку би продолжиле да бидат малтретирани, силувани и деградирани, а нивните животи да бидат уништени“, напиша Скирес.
Енкрипцијата енд-ту-енд е начин за споделување информации кој им овозможува на испраќачот и примателот да пристапат до неа. Ова значи дека дури и „Фејсбук“ не може да добие пристап до пораките на корисниците и нивната содржина.
Британската влада и нејзините сојузници на групата Five Eyes, составена од Австралија, Канада, Нов Зеланд и САД, бараат законски пристап до криптирањето на „Фејсбук“, но компанијата ги отфрли повиците за создавање ‘задна врата’ во пораките на „Фејбук“ и нејзините други платформи како WhatsApp, кои веќе ја користат енкрипцијата. Од „Фејсбук“ велат дека ограничувањето на количеството податоци до кои можат да пристапат, ја ограничува содржината што може да ја украдат хакерите или државните актери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД градат привремено пристаниште во близина на Газа за испраќање хуманитарна помош
Соединетите Држави почнаа да градат пристаниште во Газа, соопшти денеска Пентагон, проект кој треба да ја олесни испораката на хуманитарна помош на палестинската територија. Пристаништето треба да профункционира на почетокот на мај.
Во март, претседателот Џо Бајден објави дека американската војска ќе изгради привремено пристаниште на медитеранскиот брег на Газа за да добива хуманитарна помош по море.
Изградбата е дел од напорите да се спречи гладувањето во палестинската енклава, која веќе пет месеци се наоѓа во средината на израелската воена кампања против Хамас, која го опустоши Појас Газа и ги потопи нејзините 2,3 милиони луѓе во хуманитарна катастрофа.
„Можам да потврдам дека американските воени бродови, вклучително и УСНС Бенавидез, почнаа да градат привремено пристаниште…“ изјави за новинарите портпаролот на Пентагон, Патрик Рајдер.
ОН предупредија дека Газа е во опасност од глад и се пожалија на „огромни пречки“ при добивањето помош и нејзино дистрибуирање низ енклавата.
Агенциите за помош и администрацијата на Бајден го молеа Израел да ја олесни испораката на помош во Газа и да им дозволи на нивните конвои безбедно поминување на територијата.
Рајдер рече дека Пентагон следи некој вид минофрлачки напад во Газа што предизвика минимална штета во близина на областа каде што се гради пристаништето, но додаде дека американските сили сè уште не почнале да преместуваат ништо во областа и дека нема американски сили на теренот.
Свет
(Видео) Големи поплави во Танзанија, загинаа 155 луѓе
Во поплавите во Танзанија загинаа 155 луѓе, а најмалку 236 се повредени, изјави денеска премиерот Касим Мајалива. Во поплавите оштетени се повеќе од 10.000 куќи.
Премиерот додаде дека обилните дождови предизвикани од Ел Нино и придружени со силен ветер доведоа до поплави и лизгање на земјиштето во различни делови на земјата.
„Многу луѓе загинаа. Имаше штета на посевите, куќите, инфраструктурата како патишта, мостови и железници“, рече Мајалива.
Поплави ја погодија и Кенија, која се граничи со Танзанија на истокот на Африка, при што загинаа повеќе од 30 луѓе, пишува Си-ен-ен.
Во Кенија врне силен дожд од средината на март, а врнежите се интензивираа минатата недела. Кенискиот Црвен крст изврши повеќе од 188 спасувачки операции од март. Властите вчера затворија некои патишта во главниот град на Кенија, а неколку населби беа поплавени.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.