Свет
Ердоган: Непобедливата Турција испрати порака до целиот свет
Претседателот на Турција, Реџеп Таип Ердоган, за турскиот медиум „Јени Сафак“ напиша статија по повод петгодишнината од обидот за воен удар во Турција, што беше извршен од воен персонал лојален на терористичката организација Фетулачи (ФЕТО) ноќта на 15 јули 2016 година.
Ердоган во пораката пишува дека Турција е непобедлива и дека храбриот турски народ бил обединет на 15 јули и остварил голема победа против пучистите. Тој вели дека 15 јули испраќа специјална порака и лекција до целиот свет.
„Оваа голема победа со која го запревме обидот за државен удар и окупација, беше значајна лекција и порака што му покажа на целиот свет што можеме да сториме за да ја заштитиме волјата на народот и демократијата“, напиша Ердоган.
Тој додава дека пучистите ги насочиле своите оружја, тенкови и авиони кон луѓето, но биле запрени од народот, државата и безбедносните сили.
Ердоган вели дека турскиот народ, односно жени, мажи, млади и стари, обединети и рамо до рамо впишале победа, иако 251 лице го положиле својот живот како маченици во таа борба.
Турскиот претседател наведе дека Турција одлучно ја продолжува борбата против ФЕТО, која, според него, е глобална мрежа на предавници.
„Продолжуваме да бараме членови на ФЕТО и во земјата и во странство и да ги предаваме на турското судство. Каде и да бегаат, во кој било дел од светот, нема да се откажеме од нашата борба сѐ додека последниот член на ФЕТО не биде изнесен пред лицето на правдата“, напиша Ердоган.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.