Свет
Ердоган тврди дека постигнал договор за средба со Путин
Турскиот претседател Реџеп Таип Ердоган изјави дека постигнал договор со украинскиот претседател Владимир Зеленски да организира средба со неговиот руски колега Владимир Путин.
– Москва позитивно одговори на нашата покана да ја посетиме Турција по посетата на Путин на Кина. Сега ќе го дефинираме датумот, а потоа, се надевам, сакаме да одржиме средба на високо ниво, да ги собереме претседателите на Русија и Украина. Постигнавме договор со Зеленски во овој поглед – рече Ердоган, пренесува Си-ен-ен Турк.
Ердоган претходно ја посети Украина, каде со Зеленски, меѓу другото, разговараше и за желбата на Анкара да посредува во решавањето на кризата во Донбас.
Портпаролот на Ердоган, Ибрахим Калин, претходно изјави дека неговиот шеф ги повикал рускиот претседател Владимир Путин и украинскиот претседател Владимир Зеленски да ги „решат несогласувањата“ меѓу двете земји.
Портпаролот на Кремљ, Дмитриј Песков денеска изјави дека за средбата меѓу Путин и Зеленски во Турција сè уште не се разговарало во пракса, но дека рускиот претседател вели дека е подготвен да се сретне со секого на деловен план и дека мора да има разбирање за тоа што ќе се разговара и што треба да се постигне со таквите разговори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.