Свет
Еритреецот што турна дете под воз во Франкфурт бил баран од швајцарската полиција
Еритреецот обвинет за туркање на една 40-годишна жена и нејзиниот осумгодишен син под брз воз на главната железничка станица во Франкфурт во понеделникот утрото, претходно бил баран од швајцарската полиција, пренесува „Свисинфо“.
Порталот ги цитира локалните полицајци, кои велат дека 40-годишникот пристигнал во Швајцарија во 2006 година и добил дозвола за престој во 2011 година. Швајцарија е дом на повеќе од 30.000 Еритрејци, најголемата регистрирана дијаспора на која било земја.
„Кантоналната полиција во Цирих го бара уште од минатиот четврток кога ги заклучил семејството и една сосетка, на која ѝ се заканил со нож, а потоа избегал“, објави порталот, додавајќи дека семејството било ослободено од полицијата.
Обвинителите на Франкфурт, од своја страна, рекоа дека осомничениот им кажал дека допатувал со воз од Базел до Франкфурт пред неколку дена. Шефот на германската федерална полиција, Дитер Роман, пак, изјави дека осомничениот, според надлежните органи за азил, успеал успешно да се интегрира во Швајцарија и бил примерен граѓанин.
Портпаролот на Јавното обвинителство во Франкфурт, Надја Нисен, вели дека нема индиции оти човекот бил под дејство на контролирани супстанции додавајќи дека злосторството сугерира психијатриско нарушување.
„Во текот на истрагата обвинетиот сигурно ќе биде подложен на психијатриски преглед за да се овозможи процена на неговата кривична вина“, истакна таа.
Претходно, сведоците тврдеа дека мажот намерно ги туркнл момчето и мајка му под возот пред да се обиде да избега.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Полицаец од Бор е приведен поради давање информации за исчезнувањето на девојчето
Полицаец од Бор е приведен поради давање информации од истрагата за исчезнувањето на девојчето Данка Илиќ (2).
Не се знае за какви информации станува збор и кому полицаецот ги дал, но се работи за информации од истрагата кои евентуално би можеле да ја загрозат.
Се уште трае потрагата по двегодишното девојче Данка Илиќ од околината на Бор, чие исчезнување беше пријавено во вторникот.
Се претресуваат куќи и населба, се расчистува дворот.
Две специјалистички екипи за спасување од урнатините од Белград и Нови Сад започнаа детално пребарување на просторот околу куќата, соопшти полицијата.
Свет
Украински дрон удрил во станбена зграда во Белгород, има мртви
Едно лице загина кога украинско беспилотно летало удри во станбена зграда во рускиот град Белгород и одекна силна експлозија, изјави регионалниот гувернер Вјачеслав Гладков.
„Повредена е сопругата на починатиот, има расекотини на лицето и површна изгореница на бутот. Екипата за брза помош ја однела жената во регионалната клиничка болница. Како резултат на експлозијата, за жал, еден човек загина“, објави Гладков, а пренесува Риа Новости.
Друг жител со рана од шрапнел сам отишол во градската болница, додаде тој.
Оштетени се прозорците во пет стана, како и автомобил. Оперативните услуги се на лице место.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.