Свет
Ерменија ги отфрла обвинувањата на Баку за подготвување терористички напади
Службата за национална безбедност на Ерменија ги отфрли како апсурдни обвинувањата на Азербејџан за заговор за терористички напади на прометни јавни места на нејзина територија, објави новинската агенција „Арменпрес“.
„Силно ги отфрламе плодовите на трескавична имагинација на азербејџанските специјални служби. Ваквите апсурдни тврдења не се достојни за коментар, но можеме да сугерираме дека откако ја изгуби контролата над исламските терористи, екстремистичките групи и нивните агенти, кои пристигнале на територијата на Азербејџан во голем број, Баку нема друг избор, освен однапред да ја обвини Ерменија за тие негативни случувања, кои многу веројатно ќе следуваат“, се вели во изјавата на Службата за национална безбедност на Ерменија.
Ереван континуирано ја обвинува Турција за директна вмешаност во конфликтот во Нагорно- Карабах. Според ерменското раководство, Турција не само што ја испраќа својата војска во Азербејџан туку и распоредува платеници од сириските екстремистички групи, поддржани од Турција.
Обновените судири меѓу Азербејџан и Ерменија избувнаа на 27 септември со интензивни битки во спорниот регион Нагорно-Карабах. Разгорување на насилството имаше и во летото 2014 година, во април 2016 година и минатиот јули.
Азербејџан и Ерменија воведоа воена состојба и почнаа напори за мобилизација. Двете страни во конфликтот пријавија жртви, меѓу нив и цивили.
На разговорите со посредство на Русија, одржани во Москва на 9 октомври, Азербејџан и Ерменија договорија прекин на огнот, кој стапи во сила во 12 часот по локално време во саботата на 10 октомври од хуманитарни причини, за размена на притворените лица и пронаоѓање на телата на загинатите.
Сепак, обете страни се обвинуваат за кршење на прекинот на огнот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.