Свет
Естонија си ги бара од Русија „анексираните територии“
Претседателот на естонскиот парламент и член на Конзервативната народна партија ЕКРЕ, Хен Пилуас, изјави дека Русија би требало да ѝ ги врати на балтичката република наводно „анексираните територии“, пренесува „Спутник“.
„Не сакаме ниту еден квадратен метар руска територија. Само сакаме да се вратат нашите. Русија анектираше околу пет отсто од територијата на Естонија“, напиша Пилуас на „Фејсбук“.
Пилуас инсистира дека естонско-руската граница е утврдена со неважечкиот Тартуски мировен договор, а напредок во потпишувањето на пограничен договор може да се постигне само ако руската страна ги признае одредбите од овој договор.
Оваа изјава дојде по интервјуто на директорот на Второто европско одделение при руското Министерство за надвореши работи, Сергеј Бељајев, во кое тој истакна дека Тартускиот мировен договор не важи. Бељајев напомена дека во сите расправи што се однесуваат на ратификацијата на пограничниот договор Талинсе повикува на документ од 1920 година кој нема правна моќ, а врз основа на кој се изнесени територијалните претензии кон Москва.
Членот на Одборот за меѓународни работи во државната Дума на Русија, Антон Морозов, за РТ ја прокоментира изјавата на естонскиот пратеник.
„Мислим дека за Естонија е многу поисплативо да гради конструктивни односи со Русија. Не би им советувал на Естонците да се глупираат со историјата, инаку лесно ќе се утврди дека не е Естонија таа што треба да добие дополнителни територии. Ова прашање мора засекогаш да се затвори“. нагласи тој.
Морозов исто така објасни дека Русија нема територијални претензии кон Талин, но нагласи дека немаат намера да слушаат вакви глупости од естонската страна зашто ова не е првпат естонски политичари да го покренуваат прашањето за територијални претензии кон Русија.
Научниот директор на Руското воено-историско друштво, Михаил Мјагков, ги нарече територијалните претензии на Естонија кон Русија апсолутно неосновани.
„Нема тука никакви прашања. Естонија не би влегла во НАТО да не беше потпишан договорот со Руската Федерација. Алијансата не прифаќа земји со погранични спорови и проблеми“, истакна Мјагков, кој потсети дека во 1920 година во Русија била граѓанската војна и дека границите за кои станува збор се фактички наметнати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.