Свет
ЕУ: Од јуни нема нови нарачки за „Астразенека“, другите вакцини се поефикасни
Европската унија нема да прави нови нарачки за вакцини од „Астразенека“ по јуни кога истекува договорот, изјави европскиот комесар за внатрешен пазар, Тиери Бретон, еден ден откако ЕУ потпиша нов договор со „Фајзер“ и „Бионтек“.
Бретон, исто така, рече дека очекува цената на вакцината на „Фајзер“ и „Бионтек“ да биде поголема отколку во претходната фаза.
Европската комисија (ЕК) поднесе тужба против „Астразенека“ во април за непочитување на договорот за снабдување со вакцини против Ковид-19 и немање сигурен план за да се обезбеди навремена достава на вакцината.
„Нема да го обновиме договорот по јуни. Ќе видиме што ќе се случи“, изјави Бретон за Радио Франс Интер, но не исклучи потенцијален нов договор во иднина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.