Свет
ЕУ повика на итно запирање на ескалацијата меѓу Израел и Палестина
Европската Унија ги повика двете страни во неодамна ескалираниот израелско-палестински судир да престанат со насилството, се вели во соопштение објавено на официјалната веб-страница на ЕУ денеска.
„Значителниот бран насилства во окупираниот Западен Брег, како и во источен Ерусалим и во и околу Појасот Газа, треба веднаш да престане. Истрелувањето ракети од Газа против цивилното население во Израел е неприфатливо и ја засилува ескалацијата. Сите лидери имаат одговорност да дејствуваат против екстремистите. Ова статус кво на светите места мора целосно да се почитува. Приторитет е да се спречат натамошните цивилни жртви“, се вели во соопштението.
Палестинскиот дневен весник „Ал-Кудс“ објави претходно дека насилството избувнало во понеделникот откога израелската полиција влезе во џамијата „Ал-Акса“ во Стариот град на Ерусалим и употреби гумени куршуми, солзавец и шок-бомби против присутните во верскиот објект. Стотици Палестинци беа повредени во последователните судири со израелските полициски сили во источен Ерусалим.
Непосредно пред полноќ израелските медиуми објавија дека палестинските милитанти истрелале повеќе од 150 ракети на територијата на Израел, но дека десетици од нив биле пресретнати од системите за противвоздушна одбрана. Израел возврати со ракетни напади против палестинските милитанти на територијата на Појасот Газа.
Палестинската радиостаница „Савт ал-Акса“ претходно објави, повикувајќи се на свои извори во локалното Министерство за здравство, дека повеќе од 20 лица, вклучително и девет деца, биле убиени и 70 повредени како резултат на ракетните напади на Израел врз Појасот Газа.
Државниот секретар на САД, Ентони Блинкен, изрази загриженост за ескалацијата во Појасот Газа и рече дека ракетните напади против Израел мора веднаш да запрат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин: Сите вмешани во терористичкиот напад во „Крокус сити хол“ кај Москва мора да бидат казнети
Сите поттикнувачи, спонзори и организатори на терористичкиот напад на концертната сала „Крокус“ ,во предградието на Москва, мора да бидат идентификувани и казнети, изјави рускиот претседател Владимир Путин.
„Руските разузнавачки и агенциите за спроведување на законот го истражуваат и испитуваат секој детал од овој грозоморен терористички чин во „Крокус“, идентификувајќи ги сите инволвирани страни, вклучително и поттикнувачите, спонзорите и организаторите. Никој од нив не смее да избега од праведна казна“, нагласи Путин.
Зад терористичките напади во различни делови на светот стојат и радикални групи и разузнавачки служби на одделни земји , кажа рускиот лидер, пренесен од руските медиуми.
„Несомнено, меѓународниот тероризам останува една од најголемите закани на 21 век“, истакна Путин.
.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.
Свет
Пациентите со задолжително здравствено осигурување во Германија повторно би можеле да плаќаат такса за лекување во ординации
Во борбата против постојано зголемувањето на трошоците за здравствена заштита во Германија економските експерти предлагаат поголемо учество на обврзниците на здравственото осигурување и повторно воведување надоместоци за здравствена заштита, односно лекување во ординациите на општа пракса, пишува магазинот „Феникс“.
Шефот на Одделот за здравствена компетентност при Институтот за економски истражувања во Рајнише Вестфален Лајбниц (РВИ), Борис Аугурски, за „Билд“ изјави дека укинувањето на здравствената такса во лекарските ординации е грешка.
„Наместо таксата за претходна пракса од десет евра од посета на лекар, подобро е, на пример, да земете пет евра од посета на лекар. Исклучок треба да биде земањето рецепти“, рече Аугурски, пренесува магазинот „Феникс“.
Стефан Грес, здравствен економист од Фулда, се залага за значително зголемување на прагот на придонесот.
Постепено треба да се зголеми од сегашните 62.100 евра годишно на 90.600 евра годишно.
„Тоа значи дека компаниите за здравствено осигурување би можеле да заработуваат околу десет милијарди евра повеќе годишно“, изјави Грес за „Билд“.
Од друга страна, економистот од Фрајбург, Бернд Рафелхусен, повикува на здравствени придобивки независно од платата.
– Доколку сакате да платите помала такса, мора да ја зголемите месечната здравствена такса. Компаниите за здравствено осигурување мора да се вклучат за да им помогнат на луѓето кои не заработуваат доволно, рече Бернд Рафелхузен.
Пациентите со задолжително здравствено осигурување во Германија до крајот на 2012 година требаше да плаќаат квартален надоместок од десет евра за лекување и стоматолошки третман. Таксата беше укината во 2013 година.