Свет
ЕУ подготвува итна помош за Индија каде секој ден се рушат рекорди по бројот на заразени
ЕУ подготвува итна помош за Индија, која се соочува со растечка криза поради пандемијата на Ковид-19, при што инфекциите и смртните случаи достигнаа рекордни нивоа, изјави шефицата на Европската комисија, Урсула фон дер Лајен.
Механизмот на Европската унија им овозможува на земјите-членки да ја координираат помошта во итни ситуации, пренесува „Гардијан“.
Комесарот на ЕУ за хуманитарна помош Јанез Ленарчиќ рече дека помошта во кислород и лекови веќе се координира од земјите-членки.
Германската канцеларка Ангела Меркел претходно денеска изјави дека нејзината влада подготвува итна помош за Индија.
Засега нема детали што би понудила Германија, најголемата економија на ЕУ, но неделникот „Шпигел“ објави дека вооружените сили на земјата добиле барање за помош при организирање на снабдувањето со кислород.
Исто така и британската влада денеска соопшти дека ќе испрати повеќе од 600 парчиња опрема како итна медицинска помош во Индија.
До крајот на идната недела најавени се и нови пратки со помош.
Индискиот здравствен систем се обидува да се справи со огромното зголемување на бројот на инфекции, а има извештаи за сериозен недостиг на боци со кислород и лекови.
Огромната нација од 1,3 милијарда луѓе забележа 349.691 нов случај и 2.767 починати во последните 24 часа, најмногу од почетокот на пандемијата.
Како најголема причина за брзото ширење на епидемијата во Индија се смета индиската варијанта на коронавирус, која веќе се појави и во неколку европски земји. Двојно мутираниот вид на коронавирусот од Индија под назнака Б.1.617 досега е потврден во Германија, Белгија, Швајцарија, Велика Британија, Грција…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.