Свет
ЕУ преговара со пет компании за набавка на вакцина за коронавирус
Европската унија (ЕУ) преговара за договори за набавка на вакцина за ковид-19 со пет производители, а тие се Модерна, Санофи,Џонсон и Џонсон, како и биотехнолошките компании Бионтех и Куревак.
Како што јавува агенцијата „Ројтерс“, станува збор за веќе најавената заедничка набавка на вакцини и лекови, но сега со конкретни податоци.
Напорите за постигнување договор со производителите на вакцините продолжуваат по претходниот договор постигнат од четири земји членки на ЕУ со компанијата AstraZeneca за набавка на 400 милиони дози на вакцината, што ја развива со универзитетот Оксфорд, која би била достапна на сите 27 земји членки на ЕУ.
Купување на 200 милиони дози се преговара со американската компанија „Џонсон и Џонсон“ и не е исклучено да се зголеми оваа количина.
Исто така, познато е дека тие преговараат со францускиот Санофи, кој ја развива вакцината во соработка со британскиот GlaxoSmithKline, за набавка на 300 милиони дози, кои би пристигнале во втората половина на следната година. Санофи потврди дека преговорите за набавка на таа количина на вакцини со ЕУ се во напредна фаза.
Компанијата Модерна, чие тестирање на вакцината најмногу напредува, потврди дека е во преговори со европските земји за продажба на вакцината, но дека сè уште не е постигнат договор.
Во игра се и две германски компании за биотехнологија, Бионтех и Куревак, но никој од нив не сака да ги коментира преговорите со ЕУ.
Набавката на вакцината ја води одбор назначен од Европската комисија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.