Свет
ЕУ смета дека инаугурацијата на Лукашенко нема легитимитет
Европската Унија смета дека инаугурацијата и новиот белоруски претседател Александар Лукашенко немаат демократски легитимитет и ги разгледува своите врски со Белорусија, рече високиот претставник на ЕУ за надворешни работи и безбедносна политика, Џозеф Борел, пренесува ТАСС.
Тој исто така предупреди дека неодамнешната инаугурација може само да ја влоши политичката криза што ја зафати Белорусија.
„ЕУ уште еднаш повторува дека претседателските избори во Белорусија на 9 август не беа ниту слободни ниту фер. Европската Унија не ги признава нивните фалсификувани резултати. Врз основа на тоа, т.н. инаугурација од 23 септември 2020 година и новиот мандат на Александар Лукашенко немаат никаков демократски легитимитет. Во светло на сегашната ситуација, ЕУ ги разгледува своите односи со Белорусија“, се вели во соопштението.
Борел исто така смета дека оваа инаугурација е во директна спротивност со волјата на голем дел од белоруското население, што е изразено со бројни, масовни и мирни протести по изборите, и служи само за дополнително продлабочување на политичката криза во Белорусија.
„Позицијата на ЕУ е јасна: белоруските граѓани заслужуваат да бидат претставени од оние што слободно ги избираат преку нови инклузивни, транспарентни и кредибилни избори“, додаде тој.
Борел повторно ги повика белоруските власти да се воздржат од какво било насилство и веднаш да ги ослободат сите лица кои беа приведени за време на кампањата за претседателските избори и на последователните протести.
Протестите на национално ниво ја зафатија Белорусија по претседателските избори на 9 август. Според официјалните резултати на Централната изборна комисија, Лукашенко победи со огромно мнозинство од 80,10 отсто од гласовите.
Неговиот најблизок ривал на трката, Светлана Тихановскаја, се најде на второто место со 10,12 отсто од гласовите. Таа одби да ги признае резултатите, ја напушти Белорусија и отиде во Литванија. Откако резултатите од излезните анкети беа објавени доцна на 9 август, во центарот на Минск и другите белоруски градови избија масовни протести.
За време на постизборениот период, митинзите прераснаа во жестоки судири меѓу демонстрантите и полицијата. Како одговор, белоруските власти ги осудија тековните превирања и побараа да се запрат овие неодобрени протести.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕУ инвестира повеќе од 65 милиони евра во развој на вештачка интелигенција
Европската комисија (ЕК) најави дека ќе инвестира повеќе од 65 милиони евра во развојот на вештачката интелигенција (АИ), вклучително и 50 милиони кои ќе бидат наменети за финансирање проекти насочени кон развој на нови начини за комбинирање на податоците.
ЕК објави повици за предлози за финансирање проекти во областа на вештачката интелигенција и квантната технологија во рамките на програмата за истражување и иновации Хоризонт Европа од 2023 до 2024 година, објави АНСА.
ЕК наведува дека проектите се насочени кон подобрување на доверливоста на системите за вештачка интелигенција и обезбедување значителен увид во процесите на донесување одлуки за вештачка интелигенција.
Регион
Мајката на осомничениот за убиството на Данка: Не го видов телото на мојот син
Светлана Драгијевиќ, мајката на Далибор Драгијевиќ, кој почина од насилна смрт во полициската станица во Бор, на распитот за убиството на Данка Илиќ (2), за порталот „Нова.рс“ вели дека нејзиниот починат син бил жртва на полициска тортура.
Таа истакнува дека не го видела телото, и дека се уште го чека извештајот од обдукцијата на нејзиниот син.
Драгијевиќ е брат на Дејан, осомничениот за убиството на девојчето Данка Илиќ. Тој беше приведен на 6 април под сомнение дека му помогнал на својот брат да го сокрие нејзиното тело, а почина ноќта меѓу саботата и неделата, односно на 7 април.
Мајката на Драгијевиќ за Нова.рс изјави дека никој не дошол кај неа да и каже дека нејзиниот син е претепан, туку дека само полицаецот дошол да ја извести за неговиот погреб.
„Не се сомневам дека ќе се дознае кој го убил, од Бор се. Извештајот од обдукцијата се уште не сум го добила, па се надевам дека ќе открие се“, вели Светлана, која исто така наведува дека не го видела телото на синот.
Неделникот „Радар“ неодамна објави дека обдукцијата покажала дека Драгијевиќ починал со насилна смрт, а доказ за тоа се бројните повреди што ги имал по телото. Но, полицијата во соопштението наведе дека Драгијевиќ починал од природна смрт, односно му се слошило во полициската станица.
Полицијата ги уапси работниците на ПУК „Водовод“ Дејан Драгијевиќ и Срѓан Јанковиќ под сомнение дека го убиле девојчето Данка Илиќ. Таткото Радослав и братот Далибор на осомничениот Драгијевиќ беа приведени под сомнение дека му помогнале да го сокрие телото на детето.
Телото на Данка се уште не е пронајдено.
Свет
Дмитриј Песков: Москва се придржува до идејата на Путин за создавање тампон зона во Украина
Москва се придржува до идејата на рускиот претседател Владимир Путин за создавање тампон зона во Украина за заштита од оружје со долг дострел, изјави на прес-конференција портпаролот на Кремљ, Дмитриј Песков.
„Што се однесува до тоа, ништо не е променето“, рече тој одговарајќи на новинарско прашање, пренесе ТАСС.
Портпаролот на Кремљ додаде дека прашањето за борбата против оружјето со долг дострел доставено до Украина и потенцијалните напади врз областите во кои тие се концентрирани е „прилично во надлежност на вооружените сили“.