Свет
ЕУ ја дефинира содржината на ковид-пасошот
Дефинирана е содржината на сертификатот за вакцинација, односно ковид-пасошот на ниво на Европската Унија.
Крунослав Цапак, раководител на Хрватскиот институт за јавно здравје, вели дека сертификатот мора да ги содржи името и презимето на вакцинираното лице, земјата од каде што потекнува, името на примената вакцина, датумот на вакцинација, сериски број и каде може да се прочитаат податоците.
„Појавата на сертификатите за вакцинација е дефинирана, но засега тие се користат само за медицински цели, а не за минување на границата. Сега интензивно се дискутира за употребата на сертификати за преминување на границите, сигурно ќе дојде време кога ЕУ ќе ја донесе таа одлука, но сè уште постојат многу прашања и контроверзии”, рче Цапак за „Јутарњи лист“, додавајќи дека досега ниту една земја на ЕУ нема донесено одлука за преминување на границата врз основа на вакцинација, но постојат билатерални договори.
„И ние имаме неколку билатерални разговори за признавање на сертификатите за вакцинација“, додаде тој.
Понатаму појасни дека сè уште не е утврдено како визуелно ќе изгледа ковид-пасошот, но има договор на ниво на ЕУ за содржината.
Со оглед на тоа дека тоа ќе биде паметно решение, додава Цапак, ќе бидат потребни до три месеци за да почне неговата употреба.
„Јутарњи лист“ пишува дека на ниво на Унијата сè уште се дискутира дали граѓаните кои биле вакцинирани ќе добијат паметни картички со код што може да се чита на мобилен телефон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.