Свет
ЕЦДЦ: Колективен имунитет на коронавирусот најрано во есента 2021 година
Европскиот центар за превенција и контрола на болести (ЕЦДЦ) тврди дека колективен имунитет на коронавирусот ќе се постигне најрано во есента 2021 година.
Јосеп Јанса, епидемиолог во ЕДЦЦ, во интервјуто за финскиот радиодифузер ЈЛЕ во понеделникот рече дека коронавируст продолжува брзо да се менува и дека агенцијата не сакала да дава цврсти совети за прашања како меѓународно патување. Но, тој рече дека ЕЦДЦ им понудила индикатори на земјите членки на ЕУ во која фаза на зараза се наоѓаат.
„Луѓето научија што е правилно да прават во однос на хигиената. Овој прв бран опаѓа. Веруваме дека ситуацијата ќе се смири до лето, додаде епидемиологот.
Јанса продолжи да зборува за негативните последици од вирусот, велејќи:
„Ситуацијата има сериозни последици за општеството. Невработеноста, долговите, сиромаштијата се зголемуваат. Тоа е многу тешко за многумина. Многу луѓе изгубиле членови на семејствата. Некои живееле во целосна изолација и тоа влијае на менталното здравје “.
Додека повеќето земји донесоа мерки за заклучување за да се запре ширењето на вирусот, Шведска не го стори тоа што некои го сметаат за обид да се постигне т.н. колективен имунитет.
Во извештајот од минатиот месец се открива дека само 7,3 отсто од жителите на Стокхолм, областа во Шведска која е најпогодена од вирусот, имаат антитела против вирусот, а бројот е намален на само 3,7 отсто на национално ниво.
Јанса рече дека колективниот имунитет, за кој треба барем 60 отсто од јавноста да има антитела, најверојатно нема да се постигне никаде во светот во наредните месеци.
„Колективниот имунитет нема да се постигне сè до есента 2021 година, ниту овде ниту во Стокхолм. Ќе има одреден степен на заштита, но колективниот имунитет бара 60 отсто од луѓето да се заразат со вирусот“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.