Свет
Жена гласала топлес откако не ја пуштиле на гласачко место со антитрамп маичка
Жена од Њу Хемпшир, на која не ѝ било дозволено да гласа во антитрамп маичка на прелиминарните избори во вторникот, избрала да ја соблече маичката и да гласа топлес, пренесува „Њујорк пост“.
Гласачката, облечена во маица со натпис McCain Hero, Trump Zero, прво била запрена пред да може да стигне до гласачката кутија во гимназијата „Талбот“ од страна на модераторот Пол Скафиди, објави Seacoastonline.com.
Скафиди ѝ рекол на жената дека мора да ја отстрани маичката во која има политички кандидат, сметајќи дека тоа претставува агитирање на гласачко место. Но, таа му возвратила и го обвинила дека ја издвојуваат, покажувајќи кон друга гласачка облечен во маичка со американско знаме.
„Таа праша: ‘Зошто таа може, а не јас?’ Ѝ реков дека таа ќе мора да ја покрие маичката и дека маичка со американското знаме не претставува агитирање. Тоа е мое мислење, и тоа беше мојата одлука како модератор“, изјави Скафиди.
По неговото објаснување, жената го прашала Скафиди дали сака таа да ја соблече маичката, но Скафиди рекол дека претпочита таа да не го прави тоа.
„Но таа толку брзо се соблече што никој немаше време да реагира, така што сите само извикаа со чудење и таа се оддалечи, а јас ѝ дозволив да гласа. А можеше едноставно да влезе во ходникот и да ја сврти маичката наопаку“, рече тој.
Скафиди вели дека во зградата во тоа време имало околу 15 гласачи, а вработените на гласачките кутии главно се смееле на инцидентот. Тој додаде дека, според Законот за непристојност на државата, можел да ѝ наложи на полицијата да ја отстрани жената, но не се одлучил за тоа.
„Можев да наложам да ја отстранат, но не сакав да ја влошам целата работа“, рече Скафиди. „Ако почувствуваше дека е во право, ќе добиеше повеќе. Сите се насмеавме на случката и не знам дали беше местенка, но никогаш не сум доживеал такво нешто“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.