Израелскиот премиер Бенјамин Нетанјаху и израелското раководство се единствени одговорни за неодамнешната ескалација на тензиите на Блискиот Исток, изјави турскиот претседател Реџеп Таип Ердоган.

„Израел се обидува да предизвика регионален конфликт, а неговиот напад врз иранската амбасада во Дамаск беше последната капка“, рече тој на прес-конференција во Анкара по состанокот на владата.

Тој додаде дека се можни нови регионални конфликти се додека продолжува „суровоста и геноцидот“ во Газа и ги повика сите страни да дејствуваат разумно.

Тој, исто така, го критикуваше Западот што го осуди иранскиот напад, но не и израелскиот напад врз иранската амбасада.

Иран го нападна Израел со стотици експлозивни дронови, крстаречки и балистички ракети лансирани во саботата вечерта, на што израелските власти ветија дека ќе одговорат. Иран го изврши нападот како одмазда за израелскиот напад во кој на 1 април беше срушена зградата на амбасадата во Дамаск, при што беа убиени двајца ирански генерали и неколку други офицери.

Бебето, кое беше прогласено за мртво кратко време по раѓањето, беше вратено во болница откако покажа витални знаци за време на нејзиниот сопствен погреб во Алто Парана, Парагвај, на границата со Аргентина и Бразил.

Девојчето било родено предвреме во петокот околу пладне со царски рез, откако нејзината 21-годишна мајка имала компликации во седмиот месец од бременоста.

Родителите на девојчето веќе изгубиле едно бебе, пишува парагвајскиот портал „Ултима ора“. Бебето било прогласено за мртво и предадено на семејството, заедно со изводот на починатите.

На бдеењето биле членовите на семејството, а непосредно пред да заминат на гробиштата, вујкото забележал дека бебето мрда со главата и ги известил присутните.

Девојчето почнало да покажува витални знаци 30 минути пред погребот и семејството ја вратило во болница, каде што била примена во инкубаторот, а потоа префрлена на интензивна нега.

Директорот на регионалната болница Сиудад дел Есте, Федерико Шродел, не исклучи дека се работи за каталепсија, патолошка состојба која во психијатријата често се нарекува „восочна флексибилност“.

„Поради предвремено породување тоа може да се случи, пациентот практично останува без витални знаци“, додаде специјалистот и појасни дека на секои пет милиони раѓања може да има по еден случај од овој тип.

Шефот на судска медицина на Министерството за јавно здравје во Парагвај, Пабло Лемир, објасни дека е можно да се работи за каталепсија, иако сè уште не се знае точно кој е феноменот што ја генерира оваа состојба во која телото ги има сите знаци на очигледна смрт.

„Нема отчукување на срцето или дишење, телото е неподвижно и без знаци на живот. Ова е вообичаено во некои случаи на шизофренија, Паркинсонова болест или злоупотреба на супстанции“, посочи тој.

Бебињата може да развијат состојба наречена BRUE (абнормално дишење кај новороденчињата), што може да предизвика знаци слични на привидна смрт.

Девојчето почнало да покажува витални знаци 30 минути пред погребот и семејството ја вратило во болница, каде што била примена во инкубаторот, а потоа префрлена на интензивна нега. Од друга страна, роднините веруваат во божјо дело и уверуваат дека девојчето ќе се вика Милагрос де Хесус и покрај неизвесните прогнози.

Американскиот претседател Џо Бајден и се заблагодари на „Чехословачка“ за поддршката што и ја дава на Украина во борбата против Русија.

81-годишниот Бајден направи гаф за време на разговорот со чешкиот премиер во Овалната соба.

„Чешката Република“, веднаш се корегираше Бајден но направи уште еден гаф, бидејќи земјата од 2016 година се нарекува само „Чешка“ и Прага инсистира на тоа име.

Новиот гаф се случи во време кога анкетите редовно покажуваат широко распространета двопартиска загриженост меѓу гласачите за менталната подготвеност на Бајден за втор четиригодишен мандат.

Истражувањето објавено минатиот месец од „Њујорк Тајмс“ покажа дека 73 отсто од регистрираните гласачи веруваат дека Бајден е премногу стар за да биде претседател, додека само 42 отсто го кажале истото за поранешниот претседател Доналд Трамп (77), кој бара реванш против Бајден во ноември.

Бајден е веќе најстариот американски претседател досега и би имал 86 години доколку го заврши целиот негов втор мандат.