Свет
Завршија преговорите помеѓу Украина и Русија – светот во исчекување
Како што пренесуваат светските медиуми, завршија преговорите помеѓу Украина и Русија, кои се водеа во Белорусија. Преговорите чиј исход го чека целиот свет траеја околу три часа.
Засега се знае само дека се завршени, но сѐ уште не е соопштено дали и што е постигнато во тие преговори.
Украинската делегација на преговорите бара повлекување на сите руски војници, вклучително и Крим и Донбас – изјави советникот на шефот на претседателскиот кабинет, Арестович.
? Video from the beginning of negotiations.#Ukrayna #Ukraine pic.twitter.com/BePlPnG7F6
— Aykan (@KirikAy2012) February 28, 2022
Преговорите меѓу Русија и Украина почнаа денеска во регионот Гомел, потврди руското Министерство за надворешни работи. Делегациите беа пречекани од Владимир Макеи, шеф на администрацијата на белорускиот претседател Александар Лукашенко.
„Можете да се чувствувате целосно безбедни. Тоа е наша света должност!“, рече Мекеј, пренесува „Украинска правда“.
Весникот наведува дека почетокот на средбата бил емитуван на интернет, но дека преносот подоцна бил исклучен на барање на руската страна.
Руската делегација ја предводи советникот на шефот на државата, Владимир Медински, а во неа се и заменик-министерот за надворешни работи, Андреј Руденко, заменик-министерот за одбрана, Александар Фомин, и претседателот на Комисијата за меѓународни прашања на Думата, Леонид Слуцки.
Министерот за одбрана на Украина, Алексеј Резников, е на чело на украинската делегација, во која се и советникот на началникот на Генералштабот, Михаил Подољак, лидерот на Слуга на народот, Давид Арахамија, шефот на украинската трилатерална контакт-група, Андреј Костин, пратеникот Рустем Умеров и заменик-министерот за надворешни работи, Николај Точицки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.