Свет
Захарова: Планот на Киев да лансира ТВ-канал за Крим и Донбас е лудило
Плановите на Украина да лансира светски ТВ-канал на руски јазик личи на лудило во екот на ограничувањата наметнати за употребата на рускиот јазик во земјата, напиша портпаролката на руското Министерство за надворешни работи, Марија Захарова, на „Фејсбук“, пренесува ТАСС.
„Тоа значи дека Киев ќе лансира канал на руски јазик за да ги убеди оние во Украина што сакаат да го заштитат своето право да зборуваат руски дека не се во право“, рече таа.
„Замислете: властите во Киев одвојуваат средства за да допрат до луѓето што зборуваат руски јазик низ целиот свет, додека во нивната земја новиот закон за јазици дозволува употреба на рускиот само како јазик за приватна комуникација и верски обреди“, рече Захарова
„Она што се случува е чисто лудило, тоа повеќе личи на библиска приказна отколку на современа ситуација“, додаде рускиот дипломат.
Претседателската администрација на Украина претходно ги објави плановите за лансирање светски ТВ-канал на руски јазик со цел да ги освои срцата и умовите на Украинците што живеат низ целиот свет, особено во Крим и Донбас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.