Свет
За британската армија, изразувањето патриотизам може да биде знак на крајнодесничарски екстремизам
Војниците што се декларираат како патриоти или користат зборови како „исламофашизам“ или „предавници“, би можеле да бидат десничарски екстремисти, се вели во документ од британската армија, пренесува „Мејл онлајн“.
Првично напишан во 2017 година, брошурата „Екстремно десно крило (XRW): индикатори и предупредувања” била испратена до високиот одбранбен персонал за да го едуцира командниот синџир за показателите и предупредувањата на персоналот кој би можел да застапува екстремистички ставови.
Со дваесетината мисли и изрази наведени во брошурата им се советува на примателите да внимаваат на војниците кои: се опишуваат како патриоти; додаваат -истан на британските имиња; го користа терминот „исламофашизам“; ги вклучуваат колегите во затворени групи на социјални мрежи; ја сметаат политичката коректност за некакво лево крило или комунистички заговор; или кои прават погрешна генерализација на левицата или на владата”.
Министерството за одбрана потврди дека документот добиен од „Мејл онлајн“ е вистински, при што портпаролот изјави:
„Вредностите на нашите вооружени сили и на нацијата на која ѝ служат се целосно неспоиви со екстремистички ставови. Имаме цврсти мерки за да се осигураме дека оние што ги излагаат овие ставови не смеат да служат.“
Документот беше објавен по апсењето на четворица војници во 2017 година обвинети за врски со забранетата група „Национална акција“.
Минатата година британската армија беше критикувана поради својот груб приод откако се закани дека ќе испита група млади војници кои објавија фотографија, подоцна објавена во социјалните мрежи, на десничарскиот активист и граѓански новинар Томи Робинсон. Армијата објави соопштение во кое се вели:
„Крајнодесничарската идеологија е сосема спротивна на вредностите и етосот на вооружените сил. Секој воен персонал кој ќе ги прекрши армиските вредности и стандарди ќе се соочи со административни мерки”.
Министерството за одбрана почна истрага откако се појави видео кое прикажва војници кои пукааат во фотографија на Џереми Корбин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
СЗО: Зголемен е ризикот од птичји грип да премине кај луѓето, многу сме загрижени
Светската здравствена организација изрази загриженост поради ширењето на птичјиот грип Х5Н1, кој има „исклучително висока“ стапка на смртност кај луѓето. Избувнувањето што започна во 2020 година досега уби десетици милиони живина, а неодамнешното ширење на вирусот кај неколку видови цицачи, вклучително и домашни говеда во САД, го зголеми ризикот од пренесување на луѓето, соопшти СЗО.
„Мислам дека ова останува огромен проблем“, им рече на новинарите во Женева главниот научник на агенцијата за здравство на ОН Џереми Фарар. Минатиот месец на листата на заразени видови се приклучија и кравите и козите, што е неочекуван развој за експертите бидејќи се сметаше дека тие не се подложни на овој тип на грип.
Американските власти овој месец објавија дека едно лице во Тексас се опоравува од птичји грип по изложување на говеда, при што 16 јата во шест држави се заразени по изложување на диви птици.
Засега нема докази дека Х5Н1 се шири меѓу луѓето. Но, во стотиците случаи кога луѓето биле заразени од контакт со животни во изминатите 20 години, „стапката на смртност е исклучително висока“, рече Фарар, бидејќи луѓето немаат природен имунитет на вирусот.
Од 2003 до 2024 година, ширум светот се пријавени 889 случаи и 463 смртни случаи предизвикани од Х5Н1 во 23 земји, стапка на смртност од 52%.
Свет
(Видео) Бразилка го донела мртвиот „вујко“ во инвалидска количка во банка за да земе кредит
Инцидент од Бразил во кој 42-годишна жена во инвалидска количка донела мртвиот „вујко“ во банка во Рио де Жанеиро за да ги потпише документите за кредит – стана вирален.
„Вујко Пауло, слушаш? Мора да потпишеш. Ако не потпишеш… не можам да потпишам за тебе“, рече таа. Сепак, 68-годишниот маж што таа го донела во инвалидската количка не реагирал. Жената се претставила како негова внука и старател, иако полицијата се уште не утврдила дали и како се поврзани, пишува Вашингтон пост.
#MUNDO. Cams/seguridad grabaron a Erika de Souza Vieira Nunes llegando a sucursal bancaria con cadáver de su tío para intentar retirar 17.000 reales de la cuenta del fallecido. Según Erika, el hombre murió dentro del banco, versión que fue desmentida por las autoridades forenses.… https://t.co/Csdv58Ay1w pic.twitter.com/ssPuPtbua5
— Colombia Oscura (@ColombiaOscura) April 18, 2024
Му турнала пенкало меѓу прстите на починатиот, а кога вработените во банката забележале дека е блед, им рекла дека „таков е“. Конечно повикале брза помош, која констатирала дека човекот бил мртов со часови.
„Секој што го гледа видеото може да види дека човекот е мртов“, изјави Фабио Соуза, главен полициски истражител, за телевизиската мрежа Globonews. „Таа го допираше, а знаеше дека е мртов“.
Полицијата ги истражува причините за смртта на мажот, а жената е обвинета за кражба. Мажот наводно бил хоспитализиран порано поради пневмонија, но во понеделникот жив ја напуштил болницата.
Европа
Захарова: Киев продолжува отворено да најавува терористички напади врз Русија
Марија Захарова, портпаролка на руското Министерство за надворешни работи, на брифинг со новинарите рече дека режимот во Киев продолжува отворено да најавува планирани терористички напади врз Русија.
„Режимот во Киев продолжува отворено да најавува планирани терористички напади на руска територија, чии детали, нема да верувате, се детално дискутирани во западниот печат“, рече Захарова, според државната руска новинска агенција ТАСС.
Захарова наведе дека во украинските напади се повредени руски цивили и додаде дека украинските специјални служби не се откажуваат од „масакрите на нивните поранешни сонародници“.
„Просветените, како што се нарекуваат себеси, престолнините на колективниот Запад сè уште не го оквалификуваат ова како терористички напад. Како можат да го оквалификуваат како таков? Во спротивно, ќе мора да донесат резолуции и закони со кои се осудува нивното спонзорство на тероризмот“, изјави Захарова на новинарите, пишува ТАСС.