Свет
За само еден ден во Ламанш пресретнати 90 мигранти од Блискиот Исток
Британските и француските погранични власти само за еден ден уапсија 91 мигрант од Блискиот Исток во осум чамци во каналот Ламанш, при што огромното мнозинство од оние што биле приведени од страна на Британците се мажи, пренесува Би-би-си.
Четири чамци успеале да стигнат до брегот на Кент на југоистокот на Англија во понеделникот пред да бидат пресретнати од граничните сили на Велика Британија, а другите четири биле запрени од Французите во тесниот канал меѓу Велика Британија и Европа.
Британскиот Хоум офис потврди дека првиот чамец превезувал 13 мажи и две жени, а трите други чамци превезувале 30 мажи и две жени. Сите мигранти тврдат дека се од Ирак, Сирија, Кувајт и од Иран. Според Би-би-си, сите мигранти кои биле пресретнати во британските територијални води биле однесени во Довер и биле предадени на службата за имиграција и тестирани за Ковид-19.
Во меѓувреме, француските власти пресретнале уште четири мигрантски чамци со вкупно 44 мигранти, од кои сите се осомничени дека сакале нелегално да отпатуваат во Велика Британија.
Локалниот „Кент онлајн“ објави дека најновите илегални премини со чамци следуваат од неделата кога пограничните сили на Велика Британија пресретнале три чамци со 35 мигранти од Кувајт, Иран и од Ирак. Во петокот, Велика Британија пресретна пет чамци со вкупно 76 лица, повторно повеќето мажи, или 55, од Јемен, Кувајт, Иран и Ирак.
Овие 47 успешни нелегални влегувања и 44 обиди за влез се случуваат откако Најџел Фараж ги критикуваше мејнстрим медиумите за игнорирање на засилениот мигрантски бран во Ламанаш во ек на кризата со коронавирус. Со пресретнатите мигранти во понеделникот вкупниот број странци кои нелегално влегле во Велика Британија од воведувањето режим на ограничено движење достигна 568.
Фараж во неколку наврати ја осуди британската влада за затворање на својот народ притоа оставајќи ги границите ширум отворени и посочи дека додека естаблишментот зборува за режимот на ограничено движење, молчи за нелегалната имиграција.
„Пораката од владата на Борис Џонсон до оние кои моментално се сместуваат во Европа, но се решени да го најдат својот пат тука е гласна и јасна: нелегалната имиграција во Велика Британија сега вреди за цената што ја бараат бандите за шверц на луѓе“, рече Фараж и ги критикуваше британските медиуми што не ја прашуваат министерката Прити Пател за порастот на бројот на илегалци кои влегуваат во земјата чамци и се потврдени случаи со коронавирус.
Тој предупреди дека ако Пател не стори нешто, илјадници други ќе пристигнат преку Ламанш, бидејќи оваа здравствена криза ќе продолжи во текот на летото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Северна Кореја тестираше „супер голема“ боева глава за крстосувачка ракета
Северна Кореја денеска соопшти дека тестирала боева глава со „супер-голема“ крстосувачка ракета и нова противвоздушна ракета.
Тестот за моќност на супер-големата боева глава дизајнирана за стратешката крстосувачка ракета Хвасал-1 Ра-3 и пробното лансирање на противвоздушната ракета Пјољџи-1-2 се одржаа во петокот, објавија државните медиуми.
„Пробното лансирање постигна одредена цел“, објави КЦНА.
Се наведува дека тестовите биле дел од редовните воени активности на Северна Кореја и дека немаат „никаква врска со околната ситуација“.
Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарна боева глава.
Тестовите на крстосувачки ракети не подлежат на санкции против Пјонгјанг. Меѓутоа, таквото оружје може да се користи и за пренесување на нуклеарни боеви глави.
Наспроти позадината на конфликтот околу севернокорејската програма за нуклеарно оружје, тензиите на Корејскиот полуостров повторно значително се зголемија. Соединетите Американски Држави и Јужна Кореја ја зајакнаа својата воена соработка, вклучително и заеднички маневри, како одговор на повеќекратните ракетни тестови на Пјонгјанг со нуклеарни капацитети во последните две години.
Свет
Големи експлозии во база на проиранската милиција во Ирак
Проиранската милиција ПМФ (Сили за народна мобилизација) објави дека во текот на ноќта се случила голема експлозија во нивната воена база Калсо на околу 50 километри јужно од Багдад, Ирак, а два безбедносни извори тврдат дека станува збор за воздушен напад, пренесува Ројтерс.
Еден војник на ПМФ е убиен, а шестмина се ранети, соопштија два извори од болницата во блискиот град Хила.
Од експлозијата е причинета материјална штета, а има и повредени“, се вели во соопштението на ПМФ и се додава дека истрагата е во тек.
Два безбедносни извори изјавија дека се уште не знаат кој е одговорен за воздушниот напад. Американски официјален претставник изјави дека немало американска воена активност во Ирак.
Израел вчера изврши напад на иранска територија, неколку дена откако Иран го нападна Израел со беспилотни летала и проектили кои главно беа пресретнати и уништени.
Фракциите во рамките на ПМФ учествуваа во неколкумесечни ракетни и беспилотни напади врз американските сили во Ирак среде кампањата на Израел во Газа, но ги прекинаа нападите од почетокот на февруари.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.