Европа
Зеленски: „Се е веќе решено“
Претседателот на Украина, Володимир Зеленски денеска повторно се обрати и ги претстави најновите детали поврзани со ситуацијата во Украина, пренесуваат регионалните медиуми.
Според написите, Зеленски укажал на подготвеноста на Украинците да ја бранат својата земја.
„Подготвеноста на Украинците да ја бранат својата земја, нашата солидарност и храброст едни со други – го прекина сценариото за окупација на нашата земја. Светот виде дека Украинците се моќни. Украинците се храбри. Украинците се во својата татковина и никогаш нема да се откажат од тоа. Изненадувачки е што таквите луѓе секогаш имаат пријатели помоќни од непријатели“, рече тој.
Зеленски истакнал и дека во текот на денот разговарал со лидерите на пријателите на Украина.
„Резултатот е извонреден во односите со Италија. Ова е навистина ново поглавје за нашите земји. Разговорот со Марио Драги, премиер на Република Италија, стави се на свое место“, рече Зеленски, нагласувајќи дека добил и целосна поддршка од Нарендра Моди, премиер на Индија.
„Му се заблагодарив и на мојот пријател и на нашиот пријател Реџеп Таип Ердоган. За неговата континуирана поддршка на нашата независност и територијален интегритет. Се согласивме со него дека е исклучително важно денеска да се забрани влезот на руските воени бродови во Црното Море. Добар пријател на Украина е Илхм Алиев, претседател на Азербејџан, со кого разговарав дека на нашата земја и недостигаат нафта и нафтени деривати. Не е лесно, но сега се ќе биде. Инаку Илхам Алиев и претседателот Ердоган понудија разговори со Русија. Ова може само да биде поздравено. И, исто така, претседателот на Швајцарија, премиерот на Грција, премиерот на Холандија. Се чини дека Украина ја доби искреноста и вниманието на целиот нормален свет,“ заклучил тој и нагласил дека се е веќе одлучено за „SWIFT“.
„Почна процедурата за исклучување на рускиот агресор од платниот систем“, кажал украинскиот претседател.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.