Свет
Земјотрес во Италија го исплаши населението, оштетена е црква
Земјотресот што јa погоди областа Тоскана, северно од Фиренца, ги исплаши жителите кои излегоа на улиците среде ноќ.
Вечерта имаше повеќе земјотреси, од кои најсилниот изнесуваше 4,5 степени.
Градоначалниците на погодените градови во областа информираа дека нема повредени лица, пренесува АП.
Земјотресот ја оштети црквата Свети Силвестер во градот Барберино, а на дел од куќите можат да се забележат пукнатини, изјави гувернерот на Тоскана, Енрико Роси.
Роси рече дека обезбеден е објект каде луѓето ќе можат да престојуваат додека властите ја проценуваат штетата на нивните домови.
Најсилниот земјотрес од 4,5 степени беше регистриран во 4,37 часот по локално време.
Железничката линија помеѓу Фиренца и Болоња беше привремено прекината поради мерки на претпазливост.
Училиштата во градовите во близина на епицентарот се затворени поради претпазливост, а експертите проверуваат колку се безбедни овие објекти по земјотресот.
Геолозите потсетија дека пред 100 години истата област беше погодена од земјотрес и дека тогаш загинаа околу 100 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Жена во Бразил донела мртов маж во банка за да може да подигне кредит
Бразилската полиција уапси жена осомничена дека донела мртов маж, за кој вели дека и е вујко, во банка за да земе кредит. На социјалните мрежи се појави видео на кое се гледа како жена на шалтерот на банката „Итау“ во Рио де Жанеиро ја крева главата на постар маж во инвалидска количка и се обидува да му стави пенкало во раката.
Од полицијата велат дека осомничената се обидувала да земе кредит во износ од 3.000 долари, кој банката веќе го одобрила, но за што било потребно одобрение и од вујкото. Додека таа се обидувала да му го наместо пенкалото, главата му паѓала назад, пишува „Си-ен-ен“.
„Вујко слушаш, мораш да потпишеш. ако не потпишеш нема шанси. Не можам да ти потпишам, мораш. Ајде потпиши, не прави проблем, јас не можам, направи го тоа повеќе“, му зборувала жената. Еден од вработените во банката во тој момент изјавил дека постарата личност најверојатно не се чувствува добро.
Шефот на цивилната полиција на Рио де Жанеиро, Фабио Луис Соуза, изјави дека вработените во банката потоа решиле да повикаат брза помош. Кога пристигнале болничарите, утврдиле дека човекот бил мртов неколку часа и дека не бил жив кога бил донесен во банката. Полицијата води истрага, а засега не е покренато обвинение.
Адвокатот на семејството го демантираше полицискиот извештај: „Работите не испаднаа така. Човекот беше донесен жив во банка. Мојата клиентка е целосно потресена, зема лекови“.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.