Европа
Зошто земјата на таткото на имунизацијата денеска е најголем скептик за вакцините?
Франција е дом на таткото на имунизацијата Луј Пастер, но денеска е меѓу земјите каде живеат највеќе противници на вакцинацијата и државата се соочува со бројни отпори додека се подготвува за една од најголемите кампањи за вакцинација во нејзината историја.
Францускиот претседател, Емануел Макрон, веќе изјави дека има намера да почне со вакцинирање на оние кои се најмногу изложени на вирусот на почетокот на 2021 година, а пошироката популација од април до јуни.
Но, тој има тешка задача – да убеди доволно луѓе да се вакцинираат за да создадат имунитет на стадо, праг што ја штити целата популација од вирусот.
Истражување објавено во весникот Le Journal du Dimanche за време на викендот покажува дека само 41 процент од Французите планираат да вакцинираат во споредба со 58 проценти од жителите на САД.
Макрон го отфрли повикот на лидерот на Зелените, Јаник Жадот, да воведе задолжителни вакцини и рече дека се надева оти ќе ги убеди луѓето во транспарентноста на процесот.
Франција одамна е позната како нација на таблети и пилули со една од највисоките стапки на употреба на антибиотици и антидепресиви во светот, но Французите во последните години стануваат сè посомничави кон фармацевтската индустрија.
Протестното движење Жолти елеци кое изби околу воведувањето на данок на гориво кон крајот на 2018 година, ја зајакна теоријата на заговор дека владата е зависна од фармацевтските компании. Овие теории се засилија по зголемувањето на бројот на задолжителни вакцини во 2018 година за деца на возраст од три до 11 години.
Истражување на „Галуп“ спроведено на 140.000 луѓе во 44 земји покажува дека Французите се најскептични во однос на вакцината во светски рамки, а секој трет Французин не верува во безбедноста на вакцината.
Анкетата на весникот Le Journal du Dimanche покажува дека скептицизмот е најсилен кај приврзаниците на екстремно десничарските и крајно левичарските политички партии и двжења.
Многу Французи негодуваат на масовните кампањи за вакцинирање и по вакцинацијата против свински грип во 2009 година кога државата уништи милиони вакцини кои останале неискористени, губејќи притоа стотици милиони евра.
Според Џоселин Рауд, професорка во училиште за јавно здравје во Рен, аферата со свинскиот грип била причина за промена на јавното мислење.
Бројни лекари и фармацевти предводени од хирургот Анри Џојекс, со седиште во Монпелје, започнаа кампања против вакцинација.
Џојекс, кого го следат 175.000 луѓе на Фејсбук, му даде кредибилитет на движењето против вакцинација, објаснува Рауд.
На својата веб-страница, тој ја споредил трката за вакцината против Ковид-19 со трката за вооружување меѓу САД и Советскиот Сојуз.
Географката Луси Гуимие, која го истражувала антивакцинското движење во својот труд, истакнува дека тоа е најмоќно во Марсеј, родното место на Дидие Раулт, професор кој го промовирал лекот против маларија – „хлорокин“ како лек за коронавирус.
„Идејата зема замав и сега тоа е бунтовнички град против централната држава. Факт кој е прилично опасен во однос на јавното здравје“, вели Гуимие.
Заменик-градоначалничката на Марсеј, Самија Гали, е исто така меѓу скептиците за вакцината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.