Свет
Израелската полиција застрела глув Палестинец во Ерусалим
Израелските сили застрелале и повредиле глув Палестинец на воен контролен пункт во Ерусалим, соопшти израелската полиција, пренесува „Хаарец“.
Според извештајот, 60-годишниот Палестинец бил застрелан и ранет денеска од припадници на израелска приватна компанија за обезбедување на контролниот пункт „Каландија“, премин помеѓу Ерусалим и северниот дел на Западниот Брег, неколку часа по друг инцидент со пукање во Витлеем.
Според изјавата на граничната полиција во Израел, 60-годишник се приближил до контролниот пункт пеш во лентата резервирана за возила. Човекот не одговорил на повиците да застане, а обезбедувањето го застрелало во долните екстремитети. Тие тогаш сфатиле дека човекот има хендикеп и не може да слуша или комуницира.
Според изјавата, Палестинецот се здобил со полесни повреди и е хоспитализиран.
Полицијата во соопштението вели дека чуварот од обезбедувањето бил задржан на сослушување по пукањето, а полицијата отворила истрага за инцидентот.
Претходно, еден Палестинец беше застрелан во близина на гробот на Рејчел во градот Витлеем. Според соопштението на армијата, тој се обидел да фрли молотов коктел на светилиштето кое е под израелска контрола.
Во 2002 година Израел изгради ограда за раздвојување околу гробот на Рејчел, ефективно припојуваји ја локацијата кон Ерусалим. Нема информации за состојбата на напаѓачот, но според палестинските извештаи, 18-годишникот бил ранет и однесен во болница во Витлеем и неговата состојба е стабилна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.