Свет
Израел и Хамас се поблиску до конфликт отколку до мир
Израел и Хамас се поблиску до продолжување на вооружениот судир отколку постигнување примирје, објави вчера израелската веб -страница Ynet News.
Веб -страницата наведе дека индиректните разговори меѓу Израел и Хамас, што се одржаа изминатите неколку недели во Каиро за да се постигне најдолг можен период на примирје во замена за подобрување на економската состојба во Газа, не резултираа со никаков напредок.
Според пишувањата, Хамас инсистирал на своите услови за склучување договор за размена на затвореници со Израел, додека Тел Авив цврсто стои на својата позиција во врска со распределбата на катарскиот грант и реконструкцијата на опколената енклава.
Веб –страницата, која се повикува на извори запознати со разговорите, пишува дека Хамас не покажал никаква флексибилност што води до напредок во однос на договорот за затворениците, иако покажал благо позитивен став кон израелските барања во споредба со позицијата изнесена на почеток на преговорите.
Изворите додаваат дека Израел инсистира на поврзување на реконструкцијата на Газа и подобрување на ситуацијата во енклавата со решавање на прашањето на затворениците со Хамас, истакнувајќи дека може да дозволи едноставна реконструкција во замена за напредок во решавањето на проблемот, но дека целосната реконструкција нема да биде одобрена до целосно решавање на прашањето.
Во меѓувреме, Хамас се посилно се заканува дека следните денови може да дојде до постепена ескалација што ќе доведе до уште една рунда судири бидејќи Израел одбива да дозволи распределба на парите за помош од Катар, како што беше и претходно.
Обидите на Израел, Катар, Палестинската Самоуправа и ОН да го префрлат катарскиот грант преку банките поврзани со Палестинската Самоуправа (ПА) во Појасот Газа не успеаја, а банките стравуваат и дека ќе бидат обвинети за финансирање тероризам.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.