Свет
Индија и Пакистан разменија жесток оган покрај границата по кусото примирје
Индиски и пакистански војници уште еднаш разменија жесток оган по линијата на контрола (ЛоЦ) во областа Раџури во најсеверната држава Џаму и Кашмир, пренесува „Спутник“.
„Жестоката размена на артилериски и оган од лесно оружје се случи околу 8:15 часот по локално време во секторот Ноушера во Раџури”, изјави владин претставник.
Во петокот четворица Индијци, вклучувајќи и девојка, беа повредени во гранатирањето во истурените области на секторот Сваџин од Пун во Џаму и во Кашмир.
Минатата недела индиската армија тврдеше дека од средината на февруари регистрирала најмалку 513 прекршувања на прекинот на огнот од страна на Пакистан, по должината на ЛоЦ во Џаму и Кашмир.
Тензиите меѓу соседите ескалираа по терористичкиот нападво Пулвама на 14 февруари, во кој беа убиени најмалку 14 индиски војници. Џаиш-е-Мохамед, терористичка група со седиште во Пакистан, ја презеде одговорноста за нападот, а индиската влада го обвини Исламабад за засолнување и спонзорирање на исламистичките терористи.
„Во изминатиот месец и половина се случија речиси 513 прекршоци на прекинот на огнот, а повеќе од 100 пати за време на овие прекршувања пакистанската армија користеше тешко оружје како минофрлачи и артилериско оружје и таргетираше цивилни области. Само вчера (петок), четворица цивили , вклучувајќи и две девојчиња, беа повредени во Пун”, изјави генерал-полковник Парамџит Синг, командантот на корпусот „Бели витези“.
Индиската армија, исто така, тврди дека пакистанската армија претрпела пет до шест пати повеќе жртви отколку нејзините сили во одмаздничките напади.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.
Свет
Повеќе од 130 лица беа приведени во Њујорк по антиизраелските студентски демонстрации
Повеќе од 130 лица се приведени во текот на ноќта во Њујорк пред просториите на Универзитетот NYU, по пропалестинските студентски демонстрации, соопшти вечерва полицијата.
Њујоршката полиција за Франс прес прецизира дека сите приведени лица, од кои точно 133, потоа биле ослободени.
Полицијата додаде дека добила покана од администрацијата на Универзитетот во Њујорк да интервенира и да ги евакуира демонстрантите.
„Доколку одбијат да заминат, бараме од NYPD да преземе мерки, вклучително и апсење доколку е потребно“, се вели во писмото на Универзитетот до полицијата.
Студентите во САД во последниве денови организираа демонстрации и митинзи за ставање крај на војната во Појасот Газа.
Околу 100 пропалестински студенти веќе беа уапсени минатата недела на Универзитетот Колумбија, исто така во Њујорк. И во тој случај управата на универзитетот побарала интервенција на полицијата.
Неколку јавни личности, вклучително и претставници на американскиот Конгрес, оценија дека тие студентски собири поттикнуваат антисемитизам.
Свет
Хезболах го нападна северниот дел на Израел со беспилотни летала
ЛибанскиХезболах соопшти дека извршил напад со беспилотни летала врз израелските воени бази северно од градот Акра, во најдлабокиот напад на израелска територија од почетокот на војната во Газа.
Израелската војска соопшти дека нема сознанија за некој од нејзините објекти погодени од Хезболах, но претходно соопшти дека пресретнала две „воздушни цели“ во близина на северниот брег на Израел.
Двете страни редовно разменуваат ракетни и воздушни напади од почетокот на војната во Газа минатиот октомври, но се воздржуваат од отворена војна. Сепак, со оглед на честите напади, постојат стравувања дека несреќа или погрешна проценка на која било страна може да доведе до брза ескалација на конфликтот, како и до потенцијално вклучување на други регионални и светски сили, вклучително и САД.
Хезболах вели дека нападот е одмазда за претходниот израелски напад во кој загина еден од нивните борци. Групата објави сателитска снимка со локацијата на нападот на половина пат помеѓу Акра и Нахарија на север. На едно видео е видливо и како израелската воздушна одбрана ги пресретнува беспилотните летала.
Израелската војска соопшти дека нејзините воени авиони одговориле со гаѓање воени цели во областа Маркаб во јужен Либан.
Најмалку две лица загинаа, а уште шест се повредени откако израелски воздушен напад погоди станбена област во јужниот либански град Ханин, објави во вторникот официјалната либанска новинска агенција NNA.