Свет
Индија планира набавка на 20 авиони „миг-29“ од Русија
Воените воздухопловни сили на Индија планираат да нарачаат 21 суперсоничен борбен авион „миг-29“ од Русија, објави „Економик тајмс“, повикувајќи се на воени извори.
„ИАФ се обидува итно да набави 21 дополнителни борбени авиони ‘миг- 29’ од Русија за да ги додаде во своите три ескадрони од истиот тип кои се веќе во служба. Овие авиони, од кои два се за обука, се очекува да бидат набавени по разумна цена зашто тие веќе се делумно произведени во Русија за претходна нарачка што била откажана“, пишува весникот.
„Овие авиони, ако бидат нарачани, ќе бидат приспособени да ги заменат застарените ескадрони од ‘миг-21’ кои треба да бидат повлечени во наредните пет години“.
Индиската влада е подготвена да го разгледа овој предлог на воздухопловните сили. Набавката може да почне две години по потпишувањето на договорот со Русија, појаснуваат извори.
Индиските воздухопловни сили, исто така, планираат да порачаат повеќенаменски супериорни борбени твинџет авиони „ Су-30МКИ“ во објектите на „Хиндустан аеронаутикс“. Новата нарачка ќе ѝ овозможи на компанијата да продолжи со производство на линијата „Су-30МКИ“ откако нарачката за производство на 272 вакви авиони ќе продолжи по зацртаното во 2021 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.