Свет
Индија успешно тестира проектил со нуклеарна моќ и досег до 3.500 километри од подводна платформа
Индија ја тестира својата балистичка ракета „К-4“ способна да носи нуклеарна бојна глава лансирајќи ја од подморница од својот југоисточен брег. Лансирањето наводно поминало непречено, пренесува РТ .
Ракетата, со која треба да се опреми првата индиска нуклеарна подморница во Индија, „ИНС Арихант“, наводно прелетала 2.200 километри по лансирањето од подводен понтон во Бенгалскиот Залив, во близина на крајбрежјето на Висакапатнам во неделата попладне. Локалните медиуми, повикувајќи се на неименувани официјални извори, велат дека лансирањето од платформа симулира ситуација на лансирање од подморница.
Софистицираното оружје, кое е наменето да ја засили моќта за нуклеарно одвраќање на Индија, веќе помина неколку тестови, но сега првпат ракетата прелета толку големо растојание, изјави извор за „Тајмс на Индија“.
Иако во моментот Њу Делхи не дава информации за лансирањето, официјални извори изјавиле за „Хинду он сандеј“ дека тестот во неделата очигледно поминал без броблеми и ги исполнил сите посакувани параметри.
Во моментот „ИНС Арихант“ е вооружена со 12 нуклеарни балистички ракети „К-15“, но откако „К-4“ ќе стане оперативна, подморницата ќе може да носи четири од најмоќните домашни балистички ракети.
„’ИНС Арихант’ ѝ обезбедува на Индија загарантирана можност за втор удар во случај на сценарио за нуклеарен напад“, рече д-р Шишир Упадјаја, поранешен офицер на Индиската поморска разузнавачка служба, за РТ во декември.
Постоењето на оваа можност ги зголемува влоговите во потенцијалниот нуклеарен конфликт правејќи го помалку веројатен, а целокупната безбедносна состојба постабилна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.