Свет
Индија ја помина Кина по бројот на заболени од коронавирус
Во Индија потврдени се 85.940 случаи на коронавирус, со што земјата ја надмина Кина во однос на бројот на официјално заразени, но строгите мерки воведени кон крајот на март ја намалија стапката на ширење на коронавирус.
Федералните премиери и претприемачи го повикаа премиерот Нарендра Моди да ја стартува економијата, но се очекува Владата да го продолжи карантинот, со укинување на одредени мерки.
Досега од коронавирусот умреле 2.752 Индијци, што е многу помалку отколку во земјите со сличен број заразени лица.
Министерот за здравство, Харс Вардан, е оптимист за забавување на ширењето на вирусот.
„Јасно е дека ситуацијата се подобри како резултат на карантинот. Ние го искористивме овој период за подобрување на мерките во јавното здравство, како што се откривање нови случаи, следење на контакти, изолирање и управување со нови случаи“, рече Вардан.
Индиските власти тврдат дека малата смртност во Индија веројатно може да се припише на големиот број асимптоматски или случаи со благи симптоми и дека карантинот помогнал да се спречи катастрофата.
Исто така, 93,5 проценти од населението е на возраст под 65 години, а од коронавирус повеќе умираат постарите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.